|
ຈີນຈະຮັບປະກັນຄຸນນະພາບອາກາດໃນຍາມຈັດງານກິລາໂອລິມປິກ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນແຈ້ງໃຫ້ຊາບວ່າ,ເພື່ອຮັບປະກັນຄຸນພາບຂອງອາກາດໃນໄລຍະຈັດງານກິລາໂອລິມປິກ, 6ເຂດແຂວງແລະກຳແພງນະຄອນຄືປັກກິ່ງພ້ອມດ້ວຍບໍລິເວນອ້ອມແອ້ມ ຄືນະຄອນທຽນສິນແຂວງເຮີເປ ແຂວງຊ່ານຊີ ເຂດປົກຄອງຕົນເອງມົງໂກໃນແລະແຂວງຊ່ານຕຸ່ງຈະຮ່ວມມືຢ່າງສຸດຂີດ,ປັບປຸງກົນໄກຮ່ວມກັນປ້ອງກັນໃນພາກພື້ນໃຫ້ສົມບູນຂຶ້ນ,ແລະຜັນຂະຫຍາຍມາດຕະການຮັບປະກັນທຸກລາຍ.
ຂ່າວແຈ້ງວ່າ,ປັດຈຸບັນ,ພະແນກອະນຸລັກສິ່ງແວດລ້ອມຂອງຈີນໄດ້ວາງຫຼາຍມາດຕະການຮັບປະກັນຄຸນນະພາບອາກາດໃນໄລຍະຈັດງານກິລາໂອລິມປິກ,ໃນນັ້ນ,ລວມທັງຄວບຄຸມຂີ້ຝຸ່ນຢູ່ສະຖານທີ່ກໍ່ສ້າງຢ່າງເຂັ້ມງວດ,ເຮັດໃຫ້ຂີ້ຝຸ່ນທີ່ເກີດຂຶ້ນຕາມຖະໜົນຫົນທາງນັ້ນຫຼຸດໜ້ອຍລົງ,ປະຕິບັດມາດຕະຖານການລະບາຍອາຍເສຍຂອງລົດຍົນຢ່າງເຄັ່ງຄັດ,ໃນໄລຍະຈັດງານກິລາໂອລິມປິກ,ປະຕິບັດກົດຂໍ້ກຳນົດທີ່ຈຳກັດການແລ່ນລົດຢ່າງເດັດດ່ຽວແລະປະຕິບັດໂຄງການແກ້ໄຂບັນຫາມົນລະພິດທາງອຸດສາຫະກຳ.
ນອກນີ້,ເມື່ອມີອາກາດບໍ່ດີໜັກ,ນະຄອນຫຼວງປັກກິ່ງຍັງຈະປະຕິບັດແຜນການຮັບມືສຸກເສີນໃຫ້ດີ.
|
|
