|
|
 |
| (GMT+08:00)
2008-02-14 16:00:30
|
 |
|
ກະຊວງການປົກຄອງແລະປະຊາສົງເຄາະຈີນຮຽກຮ້ອງໃຫ້ຮັບປະກັນວຽກງານຊ່ອຍເຫຼືອຜູ່ປະສົບໄພໃຫ້ດີ
cri
ຕາມຂ່າວຈາກຫນັງສືພິມເຢິນມິນຢື້ປ້າວ:ວັນທີ 13 ກຸມພານີ້,ຢູ່ທີ່ນະຄອນຫຼວງປັກກິ່ງ,ທ່ານຫຼີຊຸນຈູ ລັດຖະມົນຕີວ່າການກະຊວງການປົກຄອງແລະປະຊາສົງເຄາະຈີນກ່າວວ່າ,ພະແນກການປົກຄອງແລະປະຊາສົງເຄາະຢູ່ແຫ່ງຕ່າງໆຕ້ອງຮັບປະກັນວຽກງານຊ່ອຍເຫຼືອດ້ານຕ່າງໆໃຫ້ດີ.ທ່ານຮຽກຮ້ອງໃຫ້ພະແນກການປົກຄອງແລະປະຊາສົງເຄາະຕ້ອງວາງມາດຖານແລະລະບຽບການປ່ອຍເງິນແລະເຄື່ອງຂອງຊ່ອຍເຫຼືອເຂົ້າສູ່ລະບຽບແບບແຜນຕື່ມອີກ,ຮັບປະກັນໃຫ້ການປ່ອຍເງິນແລະເຄື່ອງຂອງຊ່ອຍເຫຼືອເປີດເຜີຍ ຍຸດຕິທຳແລະທ່ຽງທຳ,ຮັບປະກັນໃຫ້ປະຊາຊົນທີ່ປະສົບໄພໄດ້ຮັບອາຫານ ນ້ຳຮ້ອນ ເສື້ອແລະຜ້າຫົ່ມນວມ ມີບ່ອນຢູ່ແລະສາມາດປິ່ນປົວຢ່າງທັນການ.
ທ່ານຫຼີຊຸນຢູກ່າວວ່າ,ໂດຍແນໃສ່ແກ້ໄຂສະພາບໄພຝົນແລະຫິມະຕົກຫນັກ ເທື່ອນີ້,ເງິນແລະເຄື່ອງຂອງທັງຫມົດທີ່ວົງການຕ່າງໆຂອງສັງຄົມບໍລິຈາກມີເກືອບ 1 ຕື້ 200 ລ້ານຢວນ.ປະຈຸບັນ,ແຫ່ງຕ່າງໆພວມເລັ່ງລັດປ່ອຍເງິນແລະເຄື່ອງຂອງຊ່ອຍເຫຼືອໃຫ້ປະຊາຊົນທີ່ປະສົບໄພ.
|
|
|
