|
|
 |
| (GMT+08:00)
2008-02-14 19:39:18
|
|
ເອົາບັນຫາດາຟູພົວພັນກັບງານກິລາໂອລິມປິກບໍ່ມີຜົນດີຕໍ່ການແກ້ໄຂບັນຫາດາຟູ
cri
Author: da
ຕາມຂ່າວCRI: ວັນທີ14ກຸມພານີ້ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ການເອົາບັນຫາດາຟູພົວພັນກັບງານກິລາໂອລິມປິກບໍ່ມີຜົນດີຕໍ່ການແກ້ໄຂບັນຫາດາຟູ,ຍັງໄດ້ລະເມີດຈິດໃຈໂອລິມປິກທີ່ກິລາບໍ່ແມ່ນການເມືອງ.
ທ່ານແມ່ນໃຫ້ທັດສະນະດັ່ງກ່າວໃນເວລາຕອບຄຳຖາມຂອງນັກຂ່າວໃນງານຖະແຫຼງຂ່າວຂອງກະຊວງການຕ່າງປະເທດທີ່ຈັດຂຶ້ນໃນມື້ດຽວກັນ.ທ່ານຫວັງໃຫ້ບຸກຄົນທີ່ກ່ຽວຂ້ອງຈົ່ງປະຕິບັດຕໍ່ຫຼັກໝັ້ນແລະບົດບາດທີ່ມີລັກສະນະສ້າງສັນຂອງຈີນໃນບັນຫາດາຟູຢ່າງພາວະວິໄສແລະທ່ຽງທຳ.
ທ່ານລິວຈ້ຽນຊ່າວກ່າວວ່າ,ຝ່າຍຈີນເອົາໃຈໃສ່ທີ່ສຸດຕໍ່ບັນຫາດາຟູ,ແລະໄດ້ເສີມຂະຫຍາຍບົດບາດທີ່ມີລັກສະນະສ້າງສັນແລະຕັ້ງໜ້າໂດຍຕະຫຼອດເພື່ອແກ້ໄຂບັນຫາດັ່ງກ່າວຢ່າງເໝາະສົມ.ລັດຖະບານຈີນໄດ້ທຳຄວາມພະຍາຍາມຢ່າງບໍ່ລົດລະເພື່ອແກ້ໄຂບັນຫາດາຟູ,ນີ້ແມ່ນຄວາມຈິງທີ່ຜູ່ບໍ່ມີອະຄະຕິໃນປະຊາຄົມໂລກຮູ້ໝົດ.
|
|
|
