|
|
 |
| (GMT+08:00)
2008-02-15 17:38:32
|
 |
|
ນະໂຍບາຍດັດສົມຄຸ້ມຄອງມະຫາພາກຂອງຈີນຈະບໍ່ປ່ຽນແປງຍ້ອນໄພຝົນແລະຫິມະຕົກໜັກ
cri
ຕາມຂ່າວCRI,ວັນທີ15ກຸມພານີ້,ຢູ່ທີ່ປັກກິ່ງ,ທ່ານລີຜູມິນໂຄສົກສູນບັນຊາການສຸກເສີນກ່ຽວກັບຖ່ານຫີນໄຟຟ້າ ນ້ຳມັນເຊື້ອໄຟ ການຂົນສົ່ງແລະຕ້ານໄພກູ້ໄພແຫ່ງລັດຈີນກ່າວວ່າ,ນະໂຍບາຍດັດສົມຄຸ້ມຄອງທາງມະຫາພາກຂອງຈີນຈະບໍ່ປ່ຽນແປງຍ້ອນບາງເຂດແຂວງປະສົບໄພຝົນແລະຫິມະຕົກໜັກ.
ທ່ານລີຜູມິນກ່າວວ່າ,ທ້າຍປີກາຍນີ້,ຈີນໄດ້ກຳນົດກ່ຽວກັບການດັດສົມຄຸ້ມຄອງທາງມະຫາພາກໃນປີນີ້ວ່າຕ້ອງປ້ອງກັນບໍ່ໃຫ້ເສດຖະກິດເຕີບໂຕອ່າວໄວກາຍເປັນໄວເກີນໄປ,ປ້ອງກັນບໍ່ໃຫ້ລາຄາສິນຄ້າຖີບສູງຂຶ້ນກາຍເປັນໄພເງິນເຟີ້ຢ່າງເດັ່ນຊັດ,ນະໂຍບາຍນີ້ຈະບໍ່ມີການປ່ຽນແປງ,ຈີນຍັງສືບຕໍ່ປະຕິບັດມາດຕະການລະອຽດນີ້ຢູ່.
ທ່ານລີຜູມິນຍັງກ່າວວ່າ,ໄພຝົນແລະຫິມະຕົກໜັກ ເທື່ອນີ້ໄດ້ສ້າງຜົນກະທົບຫຼາຍສົມຄວນຕໍ່ການພັດທະນາເສດຖະກິດສັງຄົມຂອງຈີນໂດຍສະເພາະແມ່ນເຂດປະສົບໄພ,ແຕ່ບໍ່ໄດ້ສ້າງຜົນກະທົບຫຼາຍປານໃດຕໍ່ເສດຖະກິດທົ່ວປະເທດ.ໃນດ້ານລາຄາສິນຄ້າ,ເຖິງວ່າໄດ້ສູງຂຶ້ນຜິດປົກກະຕິໃນໄລຍະສັ້ນຍ້ອນຖືກຜົນກະທົບຈາກລະດູການແລະໄພທຳມະຊາດກໍ່ຕາມ,ແຕ່ຜ່ານຈາກການຟື້ນຟູການຜະລິດແລະເພີ່ມການສະໜອງສິນຄ້າແລ້ວ,ລາຄາສິນຄ້າຈະຮັກສາຄວາມໝັ້ນທ່ຽງໂດຍພື້ນຖານ.
|
|
|
