|
ເດືອນມັງກອນແລ້ວນີ້ຍອດມູນຄ່າການຄ້າຂາເຂົ້າຂາອອກຂອງຈີນເພີ່ມຂຶ້ນ27,1%
cri
ຕາມຂ່າວສານຊິນຮວາ,ຕາມສະຖິຕິຫຼ້າສຸດທີ່ກົມໃຫຍ່ພາສີຈີນປະກາດໃນວັນທີ15ກຸມພານີ້,ເດືອນມັງກອນປີນີ້,ຍອດມູນຄ່າການຄ້າຂາເຂົ້າຂາອອກຂອງຈີນບັນລຸ199ຕື້800ລ້ານໂດລາ ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ27%,ດຸນໄດ້ປຽບການຄ້າຕໍ່ເດືອນໄດ້ຕ່ຳກວ່າ200ຕື້ໂດລາເປັນຄັ້ງທຳອິດນັບແຕ່ເດືອນພຶດສະພາປີ2007ມານີ້.
ສະຖິຕິສະແດງໃຫ້ເຫັນວ່າ,ເດືອນມັງກອນປີນີ້,ການຄ້າຂາເຂົ້າຂາອອກທົ່ວໄປຂອງຈີນໄດ້ເພີ່ມຂຶ້ນຢ່າງແຂງແຮງ,ຈັງຫວະເຕີບໂຕຂອງການຄ້ານຳເຂົ້າສູງກວ່າການຄ້າຂາອອກ.ວິສາຫະກິດທຶນຕ່າງປະເທດຍັງຄົງແມ່ນກຳລັງຕົ້ນຕໍຂອງຈີນໃນການຄ້າກັບຕ່າງປະເທດ,ຍອດມູນຄ່າການຄ້າຂາເຂົ້າຂາອອກຂອງວິສາຫະກິດທຶນຕ່າງປະເທດກວມຍອດມູນຄ່າການຄ້າຂາເຂົ້າຂາອອກທົ່ວປະເທດຈີນປະມານ55%.
ໃນເດືອນມັງກອນປີນີ້,ສະຫະພາບເອີລົບຍັງສືບຕໍ່ຄອງຖານະທີ່ເປັນຄູ່ຮ່ວມມືການຄ້າໃຫຍ່ອັນດັບໜຶ່ງຂອງຈີນ.ຍອດມູນຄ່າການຄ້າລະຫວ່າງຈີນກັບສະຫະພາບເອີລົບມີ34ຕື້300ລ້ານໂດລາ,ເພີ່ມຂຶ້ນ30%.ອາເມລິກາເປັນຄູ່ຮ່ວມມືການຄ້າໃຫຍ່ອັນດັບສອງຂອງຈີນ,ຍີ່ປຸ່ນເປັນອັນດັບສາມ.ອິນເດຍເປັນອັນດັບທີ9.
|
|
