|
ວິສາຫະກິດອຸດສາຫະກຳທີ່ຖືກຜົນກະທົບຈາກຕາຂ່າຍໄຟຟ້າພາກໃຕ້ຈີນຖືກໄພນ້ຳກ້າມທຳລາຍໄດ້ມີ95,9%ຟື້ນຟູການຜະລິດແລ້ວ
cri
ຕາມຂ່າວສານຊິນຮວາ,ຜ່ານຈາກການອອກແຮງສ້ອມແປງ,ວິສາຫະກິດອຸດສາຫະກຳທີ່ຖືກຜົນກະທົບຈາກຕາຂ່າຍໄຟຟ້າພາກໃຕ້ຈີນຖືກໄພນ້ຳກ້າມທຳລາຍນັ້ນມີ 95,9%ໄດ້ຟື້ນຟູການຜະລິດແລ້ວ.
ນັບແຕ່ເດືອນມັງກອນປີນີ້ມາ,ໃນວິສາຫະກິດອຸດສາຫະກຳທີ່ເຊົາການຜະລິດຍ້ອນຕາຂ່າຍໄຟຟ້າພາກໃຕ້ຈີນຖືກຜົນກະທົບຈາກໄພນ້ຳກ້າມໃນຂອບເຂດກວ້າງຂວາງນັ້ນ,ນັບມາຮອດວັນທີ16ກຸມພານີ້,ມີວິສາຫະກິດ5ໝື່ນກວ່າແຫ່ງໄດ້ຟື້ນຟູການຜະລິດ,ເຊິ່ງກວມ95,9%ຂອງຍອດຈຳນວນວິສາຫະກິດທີ່ເຊົາການຜະລິດຍ້ອນຖືກຜົນກະທົບຈາກໄພທຳມະຊາດ.
ນັບລວມແລ້ວ,ໄພນ້ຳກ້າມເທື່ອນີ້ໄດ້ເຮັດໃຫ້ຕາຂ່າຍໄຟຟ້າພາກໃຕ້ຈີນມີສາຍໄຟຟ້າ7000ສາຍຕິດຂັດ,ສະຖານີແປງໄຟ 850ກວ່າແຫ່ງເຊົາເຮັດວຽກ,ເມື່ອໄດ້ສ້ອມແປງແລ້ວ,ສາຍໄຟຟ້າແລະສະຖານີແປງໄຟ 80%ຂຶ້ນໄປໄດ້ເຮັດວຽກຄືນໃໝ່.
ອີງຕາມແຜນການຂອງບໍລິສັດຕາຂ່າຍໄຟຟ້າພາກໃຕ້ຈີນ,ກ່ອນທ້າຍເດືອນມີນາປີນີ້,ວຽກງານສ້ອມແປງຕາຂ່າຍໄຟຟ້າພາກໃຕ້ຈີນຈະສຳເລັດຢ່າງສິ້ນເຊິ່ງ.
|
|
