|
|
 |
| (GMT+08:00)
2008-02-18 14:17:06
|
 |
|
ຈີນສະແດງຄວາມເປັນຫ່ວງຢ່າງເລິກເຊິ່ງຕໍ່ໂກໂຊໂວປະກາດເປັນເອກະລາດແຕ່ຝ່າຍດຽວ
cri
ຕາມຂ່າວCRI,ກ່ຽວກັບໂກໂຊໂວປະກາດເປັນເອກະລາດແຕ່ຝ່າຍດຽວ,ວັນທີ18ກຸມພານີ້,ທ່ານລິວຈ້ຽນຊາວໂຄສົກກະຊວງການຕ່າງປະເທດຈີນຖະແຫຼງຕໍ່ສື່ມວນຊົນວ່າ,ຈີນສະແດງຄວາມເປັນຫ່ວງຢ່າງເລິກເຊິ່ງຕໍ່ເລື່ອງນີ້.
ທ່ານລິວຈ້ຽນຊາວກ່າວວ່າ,ການແກ້ໄຂບັນຫາໂກໂຊໂວກ່ຽວພັນເຖິງສັນຕິພາບແລະສະຖຽນລະພາບຂອງພາກພື້ນບານກັງ,ມາດຕະຖານທີ່ເປັນພື້ນຖານຂອງການພົວພັນລະຫວ່າງຊາດພ້ອມດ້ວຍອິດທິພົນແລະບົດບາດຂອງສະພາຄວາມໝັ້ນຄົງ.ແຕ່ໃດມາຈີນກໍ່ມີຄວາມເຫັນວ່າ,ແຊັກບີແລະໂກໂຊໂວເຈລະຈາກັນແລະວາງແຜນການທີ່ທັງສອງຝ່າຍຮັບເອົາໄດ້ນັ້ນແມ່ນວິຖີທາງທີ່ດີທີ່ສຸດເພື່ອແກ້ໄຂບັນຫາໂກໂຊໂວ.
ທ່ານລິວຈ້ຽນຊາວກ່າວວ່າ,ໂກໂຊໂວໃຊ້ການເຄື່ອນໄຫວແຕ່ຝ່າຍດຽວ,ອາດຈະເກີດຜົນຮ້າຍຕ່າງໆ,ເຊິ່ງສ້າງຜົນກະທົບທາງລົບອັນໜັກໜ່ວງຕໍ່ສັນຕິພາບແລະສະຖຽນລະພາບຂອງພາກພື້ນບານກັງພ້ອມດ້ວຍເປົ້າໝາຍ ທີ່ສ້າງສັງຄົມຫຼາຍເຊື້ອຊາດຢູ່ໂກໂຊໂວ.ຈີນເປັນຫ່ວງນຳເລື່ອງນີ້ຢ່າງເລິກເຊິ່ງ.
ທ່ານລິວຈ້ຽນຊາວກ່າວວ່າ,ຈີນຮຽກຮ້ອງໃຫ້ແຊັກບີແລະໂກໂຊໂວຈົ່ງສືບຕໍ່ເຈລະຈາພາຍໃນຂອບກົດໝາຍລະຫວ່າງຊາດເພື່ອສະແຫວງຫາວິທີແກ້ໄຂອັນເໝາະສົມ,ພ້ອມກັນປົກປັກຮັກສາຄວາມໝັ້ນຄົງແລະສະຖຽນລະພາບຂອງພາກພື້ນບານກັງ,ປະຊາຄົມໂລກຄວນຕັ້ງໜ້າສ້າງເງື່ອນໄຂເພື່ອເລື່ອງນີ້.
|
|
|
