|
|
 |
| (GMT+08:00)
2008-02-18 16:11:32
|
 |
|
ຈີນຈະສ້າງລະບຽບປະກັນໜ້າທີ່ເຊື່ອມພິດສິ່ງແວດລ້ອມ
cri
Author: da
ຕາມຂ່າວCRI: ຫວ່າງມໍ່ໆນີ້ ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນແລະ ຄະນະກຳມະການຕິດຕາມຄຸ້ມຄອງການປະກັນໄພຈີນຮ່ວມກັນປະກາດເອກະສານສະບັບໜຶ່ງ,ມີຈຸດປະສົງຊຸກຍູ້ໃຫ້ສ້າງລະບຽບປະກັນໜ້າທີ່ເຊື່ອມພິດສິ່ງແວດລ້ອມ.ອີງຕາມເອກະສານ,ຮອດປີ2015,ຈີນຈະປັບປຸງລະບຽບປະກັນໜ້າທີ່ເຊື່ອມພິດສິ່ງແວດລ້ອມໃຫ້ດີຂຶ້ນໂດຍພື້ນຖານ,ແລະຈັດຕັ້ງປະຕິບັດໃນທົ່ວປະເທດ.
ລະບຽບປະກັນໜ້າທີ່ເຊື່ອມພິດສິ່ງແວດລ້ອມແມ່ນໝາຍເຖິງ ວິສາຫະກິດຂໍເຮັດປະກັນໄພຢູ່ບໍລິສັດປະກັນໄພເພື່ອປ້ອງກັນຄວາມສ່ຽງຕໍ່ສິ່ງແວດລ້ອມທີ່ອາດຈະເກີດຂຶ້ນ,ບໍລິສັດປະກັນໄພເປັນຝ່າຍໃຊ້ແທນຕໍ່ຜູ່ໄດ້ຮັບຜົນຮ້າຍຈາກຄວາມເຊື່ອມພິດ.ນີ້ແມ່ນເຄື່ອງມືເພີ່ມທະວີການຕິດຕາມຄຸ້ມຄອງສິ່ງແວດລ້ອມເພື່ອລະດົມກຳລັງຕະຫຼາດໃນຂອບເຂດກວ້າງກວ່າເກົ່າ.
ຈີນຈະດຳເນີນວຽກງານທົດລອງປະກັນໜ້າທີ່ເຊື່ອມພິດສິ່ງແວດລ້ອມຕໍ່ວິສາຫະກິດທີ່ຜະລິດ ທຸລະກິດ ສະສາງ ຂົນສົ່ງແລະນຳໃຊ້ສິ່ງຂອງເຄມີອັນຕະລາຍ ວິສາຫະກິດອຸດສາຫະກຳນ້ຳມັນເຄມີທີ່ມັກເກີດອຸບັດຕິເຫດເຊື່ອມພິດ ແລະວິສາຫະກິດຊຳລະສິ່ງເສດເຫຼືອທີ່ອັນຕະລາຍ.
|
|
|
