|
ຕາມຂ່າວສານຊິນຮວາ,ໃນເວລາໃຫ້ສຳພາດຕໍ່ນັກຂ່າວໃນຫວ່າງມໍ່ໆນີ້,ທ່ານເຊ້ຟູຈ່ານ ຫົວໜ້າກົມ ສະຖິຕິແຫ່ງຊາດຈີນກ່າວວ່າ,ໃນ5ປີທີ່ຜ່ານມາ,ເສດຖະກິດແຫ່ງຊາດຈີນໄດ້ພັດທະນາຢ່າງໝັ້ນທ່ຽງແລະວ່ອງໄວ,ສະເລ່ຍແລ້ວ,ຈັງຫວະເຕີບໂຕບັນລຸ10,6%ຕໍ່ປີ,ແລະແຕ່ລະປີຫຼຸດລື່ນກັນບໍ່ກາຍ1%,ອັນໄດ້ຫຼີກລ້ຽງບໍ່ໃຫ້ເສດຖະກິດຂຶ້ນໆລົງໆຢ່າງຜິດປົກກະຕິ,ທັງນີ້ແມ່ນຕິດພັນຢ່າງສະໜິດແໜ້ນກັບລັດຖະບານໃຊ້ຫຼາຍພາຫະນະເຊັ່ນການເງິນ,ສ່ວຍສາອາກອນ ພາສີ ອັດຕາດອກເບັ້ຍແລະອື່ນໆ,ວາງນະໂຍບາຍແລະມາດຕະການດັດສົມຄວບຄຸມຕ່າງໆ.
ທ່ານເຊ້ຟູຈ່ານເຫັນວ່າ,ໃນປັດຈຸບັນ,ເສດຖະກິດຈີນຍັງປະເຊີນກັບບັນຫາຈຳນວນໜຶ່ງ,ຕົ້ນຕໍແມ່ນຄວາມສ່ຽງທີ່ເສດຖະກິດເຕີບໂຕອ່າວໄວກາຍເປັນໄວເກີນໄປນັ້ນຍັງຄົງຕົວຢູ່,ລາຄາສິນຄ້າຍັງອາດຈະຖີບສູງຂຶ້ນຕື່ມ,ລະບຽບການແລະກົນໄກຍັງບໍ່ຄົບຖ້ວນສົມບູນ ແລະອື່ນໆ.ທ່ານກ່າວວ່າ,ການດັດສົມຄວບຄຸມທາງມະຫາພາກໄດ້ກາຍເປັນມາດຕະການສຳຄັນທີ່ເຮັດໃຫ້ເສດຖະກິດແຫ່ງຊາດຈີນພັດທະນາທັງດີທັງໄວ.ກອງປະຊຸມວຽກງານເສດຖະກິດສູນກາງຈີນທີ່ຈັດຂຶ້ນໃນທ້າຍປີກາຍນີ້ໄດ້ວາງທິດທາງທີ່ວ່າ"ຄວບຄຸມຍອດບໍລິມາດ,ເຮັດໃຫ້ລາຄາສິນຄ້າໝັ້ນທ່ຽງ,ປັບປຸງອົງປະກອບເສດຖະກິດ,ແລະຊຸກຍູ້ໃຫ້ເສດຖະກິດພັດທະນາຢ່າງກ້ຳເກິ່ງ",ທິດທາງນີ້ຈະກາຍເປັນພື້ນຖານຂອງການດັດສົມຄວບຄຸມທາງມະຫາພາກໃນປີນີ້.
|
