|
ສະຫະພັນການຜະລິດຂອງອາເມລິກາຕິຕຽນຂະແໜງການເຫຼັກກ້າຂອງຈີນໄດ້ຮັບເງິນອຸດໜູນດ້ານພະລັງງານນັ້ນແມ່ນບໍ່ຖືກຕ້ອງຕາມຄວາມເປັນຈິງຈັກເມັດ
cri
Author: mo
ຂ່າວສານຊີນຮວາລາຍງານວ່າ: ເພື່ອແກ້ຂ່າວທີ່ສະຫະພັນການຜະລິດຂອງອາເມລິກາຕິຕຽນວ່າຂະແໜງການຂາງແລະເຫຼັກກ້າຂອງຈີນໄດ້ຮັບເງິນອຸດໜູນດ້ານພະລັງງານຈາກລັດຖະບານນັ້ນ, ວັນທີ 20 ກຸມພາຢູ່ທີ່ປັກກິ່ງ, ສະມາຄົມການຄ້າຂາເຂົ້າຂາອອກອຸດສາຫະກຳເຄມີບໍ່ແຮ່ 5 ຊະນິດຂອງຈີນອອກຖະແຫຼງການຊີ້ອອກວ່າ, ການກ່າວຫາດັ່ງກ່າວນີ້ແມ່ນບໍ່ມີຫຼັກອ້າງອີງເລີຍ, ແລະກໍ່ບໍ່ຖືກຕ້ອງກັບສະພາບຕົວຈິງ.
ສະມາຄົມດັ່ງກ່າວຊີ້ອອກວ່າ, ຜົນຜະລິດຂາງແລະເຫຼັກກ້າຈີນເພີ່ມຂຶ້ນແລະສົ່ງອອກຫຼາຍຂຶ້ນແມ່ນຍ້ອນເສດຖະກິດຈີນພັດທະນາແລະປະເທດທີ່ນຳເຂົ້າຕ້ອງການຂາງແລະເຫຼັກກ້າເພື່ອນຳໃຊ້ເຂົ້າສູ່ການພັດທະນາເສດຖະກິດຂອງຕົນ; ຂາງແລະເຫຼັກກ້າຂອງຈີນມີຄວາມສາມາດແຂ່ງຂັນສູງ ກໍ່ຍ້ອນຕົ້ນທຶນການຜະລິດແລະການຄຸ້ມຄອງຕ່ຳ, ແຕ່ບໍ່ແມ່ນຍ້ອນໄດ້ຮັບການອຸດໜູນຈາກລັດຖະບານ.
|
|
