|
ຈີນປະຕິບັດກົດໝາຍຈັດຊື້ຂອງລັດ5ປີປະຢັດເງິນ180ຕື້ກວ່າຢວນ
cri
ຕາມຂ່າວສານຊິນຮວາ,ວັນທີ20ກຸມພານີ້,ກະຊວງການເງິນຈີນແຈ້ງໃຫ້ຊາບວ່າ,ນັບແຕ່ຈີນປະຕິບັດກົດໝາຍວ່າດ້ວຍການຈັດຊື້ຂອງລັດ5ປີມານີ້,ປະສິດທິພາບໃຊ້ເງິນຂອງການເງິນຈີນໄດ້ຍົກສູງຂຶ້ນຢ່າງເດັ່ນຊັດ,ນັບແຕ່ປີ2002ຮອດປີ2007,ລັດປະຢັດເງິນໃນການຈັດຊື້ໄດ້11%ຕໍ່ປີ,ສາມາດປະຢັດເງິນໄດ້180ຕື້ກວ່າຢວນ.
ກົດໝາຍວ່າດ້ວຍການຈັດຊື້ຂອງລັດສາທາລະນະລັດປະຊາຊົນຈີນປະກາດໃຊ້ຢ່າງເປັນທາງການໃນວັນທີ1ມັງກອນປີ2003,ການປະຕິຮູບລະບຽບການຈັດຊື້ຂອງລັດຂອງຈີນໄດ້ເຂົ້າສູ່ໄລຍະພັດທະນາຢ່າງຮອບດ້ານ.ສະຖິຕິສະແດງໃຫ້ເຫັນວ່າ,ປີ2007,ການຈັດຊື້ຂອງລັດໃນທົ່ວປະເທດຈີນມີເຖິງ400ຕື້ຢວນ,ເປັນ4ເທົ່າຂອງປີ2002.ເຈົ້າໜ້າທີ່ກະຊວງການເງິນຈີນກ່າວວ່າ,ໃນໄລຍະ5ປີຜ່ານມາ,ກະຊວງການເງິນຈີນໄດ້ສ້າງລະບົບກົດໝາຍກ່ຽວກັບການຈັດຊື້ຂອງລັດໃນເບື້ອງຕົ້ນ,ເພີ່ມທະວີວຽກງານຕິດຕາມຄຸ້ມຄອງຕື່ມອີກ,ໄດ້ຊຸກຍູ້ການກໍ່ສ້າງການປົກຄອງຢ່າງບໍລິສຸດ ປອດໄສ.ການແລກປ່ຽນກັບຕ່າງປະເທດໄດ້ຂະຫຍາຍກວ້າງອອກຢ່າງບໍ່ຢຸດຢັ້ງ,ຄວາມສາມາດຫັນເປັນແບບສາກົນຂອງການຈັດຊື້ຂອງລັດໄດ້ຍົກສູງຂຶ້ນເລື້ອຍໆ.
|
|
