|
|
 |
| (GMT+08:00)
2008-02-21 16:04:40
|
 |
|
ເງື່ອນໄຂການຜະລິດແລະຊີວິດການເປັນຢູ່ຂອງຊາວກະສິກອນຈີນດີຂຶ້ນຢ່າງເດັ່ນຊັດ
cri
Author: da
ຕາມຂ່າວCRI: ວັນທີ21ກຸມພານີ້ ກົມສະຖິຕິແຫ່ງຊາດຈີນປະກາດຜົນການສຳຫຼວດກະສິກຳທົ່ວປະເທດຄັ້ງທີສອງໄດ້ສະແດງໃຫ້ເຫັນວ່າ, ເງື່ອນໄຂການຜະລິດແລະຊີວິດການເປັນຢູ່ຂອງຊາວກະສິກອນຈີນໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ.
ຜົນການສຳຫຼວດສະແດງໃຫ້ເຫັນວ່າ,ລະດັບຫັນໃຊ້ກົນຈັກໃນກະສິກຳຈີນສູງຂຶ້ນ. ປີ2006,ເນື້ອທີ່ໃຊ້ກົນຈັກໄຖ່ນາກວມເນື້ອທີ່ດິນປູກຝັງເກືອບ60%.ນອກນີ້,ການກໍ່ສ້າງພື້ນຖານໂຄງລ່າງຂອງຊົນນະບົດໃນດ້ານຄົມມະນາຄົມ ການສຶກສາແລະການປິ່ນປົວກໍໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ.ເງື່ອນໄຊຊີວິດການເປັນຢູ່ຂອງຊາວກະສິກອນກໍດີຂຶ້ນຫຼາຍ,ທ້າຍປີ2006,ຊາວກະສິກອນ99,3%ມີເຮືອນຢູ່ຂອງຕົນ;ໂທລະພາບສີ ໂທລະສັບ ຄອມພິວເຕີ ລົດຍົນແລະເຄື່ອງໃຊ້ໃນເຮືອນປະເພດຕ່າງໆກໍນັບມື້ນັບຫຼາຍຂຶ້ນ;ບັນຫານ້ຳດື່ມຂອງຊົນນະບົດກໍໄດ້ດີຂຶ້ນ.
ຜົນການສຳຫຼວດຍັງສະແດງໃຫ້ເຫັນວ່າ,ທ້າຍປີ2006,ຜູ່ອອກແຮງງານຢູ່ຊົນນະບົດມີ530ລ້ານຄົນ,ໃນນັ້ນ ຜູ່ມີວຽກເຮັດງານທຳກວມ90%.ຜູ່ເຮັດວຽກໃນຕົວເມືອງມີ130ລ້ານຄົນ.
|
|
|
