|
|
 |
| (GMT+08:00)
2008-02-21 16:10:21
|
 |
|
ທາງຫຼວງລະຫວ່າງຄຸນມິງບາງກອກໃກ້ຈະນຳໃຊ້ແລ້ວ
cri
Author: da
ຕາມຂ່າວສານຈີນ: ວັນທີ21ກຸມພານີ້ ທ່ານຢາງກວາງເສີງ ຫົວໜ້າພະແນກຄົມມະນາຄົມແຂວງຢຸນນານຂອງຈີນເປີດເຜີຍວ່າ,ທາງຫຼວງລະຫວ່າງຄຸນມິງຫາບາງກອກຈະເລີ່ມນຳໃຊ້ໃນ6ເດືອນຕົ້ນປີນີ້. ນອກນີ້,ທາງຫຼວງສາກົນລະຫວ່າງຈີນຫວຽດນາມແລະລະຫວ່າງຈີນມຽນມາພວມເລັ່ງລັດກໍ່ສ້າງຢູ່.
ທ່ານຢາງກວາງເສີງກ່າວວ່າ,ທາງຫຼວງລະດັບສູງຈາກສຽວເໝີງຢາງຫາບໍ່ຫານ ເຊິ່ງເປັນຕອນທາງຫຼວງຈາກຄຸນມິງຫາບາງກອກ ໃກ້ຈະແລ່ນລົດໄດ້ໃນມໍ່ໆນີ້,ທາງຫຼວງໃນຕອນແຂວງຢຸນນານຈະສ້າງໃຫ້ເປັນທາງຫຼວງລະດັບສູງ,ຕອນຢູ່ໃນລາວໄດ້ດັດແປງໃຫ້ເປັນທາງປູຢາງ,ຕອນຢູ່ໃນໄທກໍສ້າງໃຫ້ເປັນທາງຫຼວງລະດັບສູງໂດຍພື້ນຖານແລ້ວ.
ເນື່ອງໃນໂອກາດທາງຫຼວງຄຸນມິງຫາບາງກອກໃກ້ຈະແລ່ນລົດໄດ້,ອົງການປົກຄອງແຂວງຢຸນນານໄດ້ຕັ້ງໜ້າປະສານການຮ່ວມມືທາງການຂົນສົ່ງລະຫວ່າງສອງຝ່າຍແລະຫຼາຍຝ່າຍກັບປະເທດອ້ອມຂ້າງ,ນຳໃຊ້ກົນໄກຮ່ວມມືລະຫວ່າງຢຸນນານກັບພາກເໜືອໄທ ແລະລະຫວ່າງຢຸນນານກັບພາກເໜືອລາວ,ພິຈາລະນາສ້າງທາງຂົນສົ່ງຜູ່ໂດຍສານແລະສິນຄ້າຈາກເມືອງຊຽງຮຸ່ງກິ່ງແຂວງສິບສອງພັ່ນນາຫາເມືອງຊຽງເສີງຂອງໄທ,ເພື່ອຊຸກຍູ້ການຂົນສົ່ງທາງບົກຈາກຄຸນມິງຫາບາງກອກຢ່າງສະດວກ.
ທາງຫຼວງຄຸນມິງບາງກອກແມ່ນໂຄງການພື້ນຖານທີ່ສຳຄັນໃນແຜນສ້າງເຂດການຄ້າເສລີຈີນອາຊຽນ,ກໍ່ແມນຊ່ອງທາງສາກົນທີ່ແຂວງຢຸນນານຈີນຕິດຕໍ່ກັບອາຊີອາຄະເນ,ເຊິ່ງເລີ່ມຈາກຄຸນມິງ,ຜ່ານດ່ານບໍ່ຫານເຂົ້າລາວ,ຕໍ່ໄປບາງກອກໄທ,ຍາວທັງໝົດ1800ກວ່າກິໂລແມັດ.
|
|
|
