|
|
 |
| (GMT+08:00)
2008-02-21 17:23:50
|
|
ນາງຄອນໂດຣີຊາ ໄລສ໌ຈະຢ້ຽມຢາມຈີນ
cri
Author: MO
ຕາມຂ່າວCRI：ວັນທີ 21 ກຸມພານີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານລີວຈ້ຽນຊາວ ໂຄສົກກະຊວງການຕ່າງປະເທດຈີນປະກາດວ່າ, ໂດຍຕອບສະໜອງຄຳເຊີນຂອງທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນ, ນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາຈະມາຢ້ຽມຢາມຈີນແຕ່ວັນທີ 26 ຫາ 27 ກຸມພານີ້.
ທ່ານລິວຈ້ຽນຊາວກ່າວວ່າ, ການຢ້ຽມຢາມຂອງນາງໄລສ໌ເທື່ອນີ້ແມ່ນການໄປມາຫາສູ່ກັນທາງການທູດອັນສຳຄັນລະຫວ່າງຈີນອາເມລິກາ. ຜ່ານການຢ້ຽມຢາມເທື່ອນີ້, ຄາດວ່າສອງຝ່າຍຈະແລກປ່ຽນຄວາມເຫັນກ່ຽວກັບຫົວຂໍ້ຕ່າງໆທີ່ສົນໃຈຮ່ວມກັນ, ປະຕິບັດຄວາມຮັບຮູ້ທີ່ເປັນເອກະພາບກັນອັນສຳຄັນຕ່າງໆທີ່ຜູ້ນຳທັງສອງປະເທດຕົກລົງກັນ, ເພີ່ມທະວີການແລກປ່ຽນແລະການຮ່ວມມືໃນຂົງເຂດຕ່າງໆ, ເພື່ອຊຸກຍູ້ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນອາເມລິກາໃຫ້ຂະຫຍາຍໄປໜ້າຢ່າງປອດໃສ ໝັ້ນທ່ຽງແລະຕໍ່ເນື່ອງ.
|
|
|
