|
ຈີນຮຽກຮ້ອງໃຫ້ອາເມລິກາແຈ້ງສະພາບແລະຂໍ້ມູນທີ່ຕ້ອງການໃນການຍິງດາວທຽມສອດແນມຕໍ່ປະຊາຄົມໂລກຢ່າງທັນການ
cri
Author: MO
ຕາມຂ່າວCRI: ວັນທີ 21 ກຸມພານີ້, ຢູ່ທີ່ປັກກິ່ງ, ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນໄດ້ກ່າວກ່ຽວກັບເລື່ອງອາເມລິກາຍິງດາວທຽມສອດແນມທີ່ບໍ່ໃຊ້ວຽກແລ້ວ, ທ່ານກ່າວວ່າ, ຝ່າຍຈີນຮຽກຮ້ອງໃຫ້ຝ່າຍອາເມລິກາແຈ້ງສະພາບແລະຂໍ້ມູນທີ່ກ່ຽວຂ້ອງໃຫ້ປະຊາຄົມໂລກຢ່າງທັນການແລະວ່ອງໄວ, ເພື່ອປະເທດເຫຼົ່ານີ້ຈະໄດ້ຮັບຊາບແລະໃຊ້ມາດຕະການທີ່ເໝາະສົມ.
ຫວ່າງມໍ່ໆນີ້, ກະຊວງປ້ອງກັນປະເທດອາເມລິກາກ່າວວ່າ, ທະຫານອາເມລິກາໄດ້ຍິງລູກສອນໄຟນຳວິຖີໃສ່ດາວທຽມສອດແນມຂອງຕົນທີ່ບໍ່ໃຊ້ວຽກແລ້ວໜ່ວຍໜຶ່ງຢ່າງສຳເລັດຜົນ.
ໃນກອງປະຊຸມຂ່າວທີ່ຈັດຂຶ້ນໃນວັນທີ 21 ກຸມພາ, ທ່ານລິວຈ້ຽນຊາວກ່າວວ່າ, ຝ່າຍຈີນພວມສືບຕໍ່ຕິດຕາມການກະທຳດັ່ງກ່າວຂອງອາເມລິກາທີ່ອາດຈະສ້າງຄວາມເສຍຫາຍຕໍ່ຄວາມປອດໄພຂອງອະວະກາດຊັ້ນນອກແລະປະເທດອື່ນ, ແລະຮຽກຮ້ອງໃຫ້ອາເມລິກາປະຕິບັດພັນທະສາກົນຢ່າງແທ້ຈິງ.
|
|
