|
|
 |
| (GMT+08:00)
2008-02-21 19:02:36
|
 |
|
ນະໂຍບາຍຂອງຈີນທີ່ມີຕໍ່ອາຟຼິກາໄດ້ຮັບຄວາມຊົມເຊີຍໂດຍທົ່ວໄປຈາກປະເທດອາຟຼິກາ
cri
Author: MO
ຕາມຂ່າວສານຊີນຮວາ: ວັນທີ 21 ກຸມພານີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ນະໂຍບາຍຂອງຈີນທີ່ມີຕໍ່ອາຟຼິກາໄດ້ຮັບຄວາມຊົມເຊີຍຢ່າງກວ້າງຂວາງຈາກປະເທດອາຟຼິກາ.
ມີນັກຂ່າວຖາມວ່າ, ໃນເວລາທ່ານຈອດ ບຸສ ປະທານາທິບໍດີອາເມລິກາຢ້ຽມຢາມການາ ທ່ານເຄີຍກ່າວວ່າ, ຈີນເອົາໃຈໃສ່ແຕ່ຜົນປະໂຫຍດດ້ານເສດຖະກິດຢູ່ອາຟຼິກາ, ແຕ່ອາເມລິກາແມ່ນເອົາໃຈໃສ່ນຳການຊ່ອຍເຫຼືອອາຟຼິກາ, ຝ່າຍຈີນຕີລາຄາແນວໃດຕໍ່ເລື່ອງນີ້?
ທ່ານລິວຈ້ຽນຊາວກ່າວວ່າ, ນະໂຍບາຍຂອງຈີນທີ່ມີຕໍ່ອາຟຼິກາແມ່ນມີຄວາມຮັບຜິດຊອບ. ນະໂຍບາຍຂອງຈີນແນໃສ່ການສ້າງການພົວພັນເສດຖະກິດການຄ້າທີ່ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ, ແລະກໍ່ແນໃສ່ຊຸກຍູ້ໃຫ້ອາຟຼິກາບັນລຸສັນຕິພາບ, ຊຸກຍູ້ໃຫ້ອາຟຼິກາພັດທະນາ. ທ່ານກ່າວວ່າ, ຝ່າຍຈີນໄດ້ເຂົ້າຮ່ວມການສ້າງສາອາຟຼິກາໃນຖານະເປັນໝູ່ເພື່ອນແລະຜູ້ຮ່ວມມື, ນີ້ໄດ້ຕາງໜ້າໃຫ້ແກ່ຄວາມປາຖະໜາຂອງຜູ້ນຳແລະປະຊາຊົນຂອງປະເທດອາຟຼິກາສ່ວນຫຼາຍ. ທ່ານຫວັງໃຫ້ນະໂຍບາຍອາຟິຼກາຂອງອາເມລິກາມີຜົນດີຕໍ່ສັນຕິພາບແລະການພັດທະນາຂອງອາຟຼິກາ.
|
|
|
