|
|
 |
| (GMT+08:00)
2008-02-22 10:46:24
|
 |
|
ດາວທຽມ"ສາງເອີເລກໜຶ່ງ"ຜ່ານການທົດສອບຂອງຈັນທະຄາດ
cri
ໜັງສືພິມເຢິນມິນຢື້ປາວຂອງຈີນສະບັບວັນທີ22ກຸມພານີ້ແຈ້ງຂ່າວວ່າ, ວັນທີ21ກຸມພານີ້,ດາວທຽມ"ສາງເອີເລກໜຶ່ງ"ເຊິ່ງເປັນດາວທຽມສຳຫຼວດດວງຈັນໜ່ວຍທຳອິດຂອງຈີນໄດ້ຜ່ານການທົດສອບຂອງຈັນທະຄາດຫຼືກົບກິນເດືອນທີ່ປະກົດໃນມື້ນັ້ນແລ້ວໄດ້ບິນອອກຈາກເຂດເງົາມືດຢ່າງສຳເລັດຜົນ.
ເວລາ8ໂມງ43ນາທີ,ດາວທຽມ"ສາງເອີເລກໜຶ່ງ"ຄ່ອຍໆຖືກເງົາໜ່ວຍໂລກປິດບັງ.ຫຼັງຈາກນັ້ນ,ອຸປະກອນສະໜອງໄຟຟ້າຂອງດາວທຽມມີແຕ່ອາໄສໝໍ້ໄຟເທົ່ານັ້ນ,ແລະຍັງຕ້ອງທົນກັບອຸນຫະພູມລົບ100ກວ່າອົງສາ.ຫຼັງຈາກນັ້ນເກືອບ4ຊົ່ວໂມງຄືເວລາ14ໂມງ10ນາທີ,ດາວທຽມ"ສາງເອີເລກໜຶ່ງ"ໄດ້ບິນອອກຈາກເຂດເງົາມືດຢ່າງສຳເລັດຜົນ.
ທ່ານເຢ້ໄຜຈ້ຽນວິສະວະກອນທັງເປັນຜູ່ບັນຊາການໃຫຍ່ດາວທຽມ"ສາງເອີເລກໜຶ່ງ"ກ່າວວ່າ,ເມື່ອເບິ່ງຈາກສະພາບການຕິດຕາມຄຸ້ມຄອງໃນປັດຈຸບັນແລ້ວເຫັນວ່າ,ດາວທຽມເຮັດວຽກໄດ້ດີກວ່າການຄາດຄະເນ,ຕົວຢ່າງຄືຕາມຄາດຄະເນແຕ່ກ່ອນວ່າໃຕ້ສະພາບທີ່ໜາວຈັດ,ດາວທຽມຈະສິ້ນເປືອງພະລັງໄຟຟ້າເຖິງ60%,ແຕ່ຕົວຈິງແລ້ວມີແຕ່40%ເທົ່ານັ້ນ.
|
|
|
