|
ໂຄງການສົ່ງອາຍແກັສທຳມະຊາດຈາກພາກຕາເວັນຕົກໄປໃຫ້ພາກຕາເວັນອອກໄລຍະທີສອງຂອງຈີນເລີ່ມລົງມືກໍ່ສ້າງ
cri
Author: mo
ຕາມຂ່າວCRI: ວັນທີ 22 ກຸມພານີ້ຢູ່ທີ່ປັກກິ່ງ, ໂຄງການສົ່ງອາຍແກັສທຳມະຊາດຈາກພາກຕາເວັນຕົກໄປໃຫ້ພາກຕາເວັນອອກໄລຍະທີສອງຂອງຈີນໄດ້ຈັດພິທີລົງມືກໍ່ສ້າງ.
ທ່ານຫູຈິນທ່າວ ປະທານປະເທດຈີນໄດ້ສົ່ງຈົດໝາຍອວຍພອນໂດຍຂຽນວ່າ, ການເລີ່ມສ້າງໂຄງການນີ້ມີຄວາມໝາຍສຳຄັນຫຼາຍຕໍ່ການເຮັດໃຫ້ຈີນມີພະລັງງານດີຂຶ້ນ ປົກປັກຮັກສາຄວາມປອດໄພດ້ານພະລັງງານຂອງຊາດ, ຊຸກຍູ້ເສດຖະກິດສັງຄົມຈີນໃຫ້ພັດທະນາ, ສ້າງຄວາມສຸກໃຫ້ແກ່ປະຊາຊົນ.
ໂຄງການດັ່ງກ່າວ ທິດຕາເວັນຕົກເລີ່ມແຕ່ດ່ານໂຮ້ເອີໂກຊື່ເຂດຊິນຈ່ຽງ ພາກຕາເວັນຕົກສຽງເໜືອຂອງຈີນ, ພາກໃຕ້ໄປຮອດນະຄອນກວາງໂຈວ, ພາກຕາເວັນອອກໄປຮອດນະຄອນຊຽງໄຮ້, ຜ່ານ 14 ເຂດແຂວງແລະກຳແພງນະຄອນຂອງຈີນ.
|
|
