|
|
 |
| (GMT+08:00)
2008-02-24 16:22:26
|
 |
|
ຈີນຈະພັດທະນາຂະແໜງການບໍລິການໃຫ້ເປັນອຸດສາຫະກຳຕົ້ນຕໍຂອງເສດຖະກິດແຫ່ງຊາດ
cri
Author: MO
ຕາມຂ່າວCRI: ທ່ານເຈິ່ງເຜີຍຢຽນ ຮອງນາຍົກລັດຖະມົນຕີຈີນໄດ້ພິມບົດຄວາມລົງໜັງສືພິມເຢິຍມິນຢື້ປ້າວສະບັບວັນທີ 24 ກຸມພານີ້ວ່າ, ຈີນຈະພັດທະນາຂະແໜງການບໍລິການໃຫ້ເປັນອຸດສາຫະກຳຕົ້ນຕໍຂອງເສດຖະກິດແຫ່ງຊາດ.
ບົດຄວາມຂຽນວ່າ, ໃນຫຼາຍປີມານີ້, ຂະແໜງການບໍລິການຂອງຈີນພັດທະນາຢ່າງວ່ອງໄວ. ປີກາຍນີ້, ມູນຄ່າເພີ່ມຂອງຂະແໜງການບໍລິການທົ່ວປະເທດຈີນໄດ້ບັນລຸເຖິງ 9,600 ຕື້ຢວນ. ໃນຕໍ່ໜ້າ, ຈີນຈະເລັ່ງລັດພັດທະນາຂະແໜງການບໍລິການຕ່າງໆເຊັ່ນການຈໍລະຈອນສິນຄ້າທັນສະໄໝ ການທະນາຄານແລະການປະກັນໄພ ແລະການບໍລິການອະນຸລັກສິ່ງແວດລ້ອມເປັນຕົ້ນ; ເລັ່ງລັດນຳໃຊ້ເຕັກນິກທີ່ກ້າວໜ້າແລະເໝາະສົມມາປັບປຸງຂະແໜງການບໍລິການດັ້ງເດີມ; ພ້ອມທັງອອກແຮງພັດທະນາຂະແໜງການບໍລິການຊົນນະບົດ.
ບົດຄວາມຂຽນວ່າ, ອີງຕາມແຜນການ, ເມື່ອຮອດປີ 2020, ອັດຕາສ່ວນຂອງມູນຄ່າເພີ່ມຂອງຂະແໜງການບໍລິການກວມGDPຂອງຈີນຈະຫຼາຍກວ່າ 50%, ອົງປະກອບຂອງຂະແໜງການບໍລິການຈະດີຂຶ້ນຢ່າງເດັ່ນຊັດ, ການປະກອບອາຊີບຈະເພີ່ມຂຶ້ນຢ່າງເດັ່ນຊັດ.
|
|
|
