ປີນີ້, ຈີນຈະສ້າງທາງຫຼວງຊົນນະບົດ 2 ແສນ 7 ໝື່ນກິໂລແມັດ
cri
Author: MO
ຕາມຂ່າວCRI:ຫວ່າງມໍ່ໆນີ້, ກະຊວງຄົມມະນາຄົມຈີນແຈ້ງຂ່າວວ່າ, ປີນີ້, ຈີນຈະສ້າງແລະປັບປຸງທາງຫຼວງຊົນນະບົດ 2 ແສນ 7 ໝື່ນກິໂລແມັດ.
ຂ່າວແຈ້ງວ່າ, ປີນີ້, ຈີນຈະເພີ່ມການສະໜັບສະໜູນການສ້າງທາງຫຼວງຊົນນະບົດໃນເຂດຊາຍແດນ ເຂດຊົນເຜົ່າສ່ວນໜ້ອຍແລະເຂດທຸກຍາກ; ພ້ອມທັງເຮັດໃຫ້ການອະນຸມັດການເຂົ້າໃນຕະຫຼາດສ້າງທາງຫຼວງຊົນນະບົດໃຫ້ເປັນລະບຽບແບບແຜນຕື່ມອີກ, ສ້າງລະບົບປະກັນຄຸນນະພາບທີ່ສອດຄ່ອງກັບຈຸດພິເສດຂອງທາງຫຼວງຊົນນະບົດ; ພ້ອມກັນນັ້ນ ຈະເພີ່ມທະວີການສ້າງຄີວລົດຊົນນະບົດ, ເພີ່ມທະວີການສະໜັບສະໜູນດ້ານນະໂຍບາຍຕໍ່ການຂົນສົ່ງຜູ້ໂດຍສານຢູ່ຊົນນະບົດ. ແຕ່ປີ 2003 ເປັນຕົ້ນມາ, ຈີນໄດ້ດຳເນີນການສ້າງທາງຫຼວງຊົນນະບົດຢ່າງຂະໜາດໃຫຍ່. ນັບມາຮອດປັດຈຸບັນ, ໄລຍະທາງທັງໝົດຂອງທາງຫຼວງຊົນນະບົດຈີນໄດ້ຍາວກວ່າ 3 ລ້ານກິໂລແມັດແລ້ວ.
|
|