ຕາມ​ຂ່າວສານ​ຊິນ​ຮວາ:ວັນ​ທີ24​ກຸມພາ​ນີ້,ຢູ່​ທີ່​ປັກ​ກິ່ງ,ທ່ານ​ອີ້​ກ່າງ ຮອງ​ຜູ່​ວ່າການທະນາຄານ​ປະຊາ​ຊົນ​ຈີນ​ເຊິ່ງ​ເປັນ​ທະນາຄານ​ກາງ​ຈີນກ່າວ​ວ່າ,ປີ​ນີ້,ຄວາມສ່ຽງ​ສຳຄັນ​ກວ່າ​ໝູ່​ທີ່​​ເສດຖະກິດ​ຈີນ​ປະ​ເຊີນກັບ​ນັ້ນ​ຍັງ​ແມ່ນໄພ​ເງິນ​ເຟີ້,ສະ​ນັ້ນ,ນະ​ໂຍບາຍ​ເງິນຕຶງທີ່​ໄດ້​ກຳນົດ​ແລ້ວ​ນັ້ນ​ຈະ​ບໍ່​ປ່ຽ​ນ​ແປງ​ຍ້ອນ​ພາຍ​ໃນ​ປະ​ເທດ​ແລະ​ຕ່າງປະ​ເທດ​ເກີດ​ສະພາບ​ໃໝ່.

ໃນ​ກອງ​ປະຊຸມ​ທີ່​ຈັດ​ຂຶ້ນ​ຢູ່​ສູນ​ຄົ້ນຄວ້າ​ເສດຖະກິດ​ຈີນ​ຂອງ​ມະຫາວິທະຍາ​ໄລ​ປັກ​ກິ່ງ,ທ່ານອີ້​ກ່າງ​ກ່າວ​ວ່າ,ຜົນ​ສະທ້ອນ​ຂອງ​ວິ​ກິດ​ການ​ເງິນ​ກູ້​ສິນ​ເຊື່ອ​ຂອງ​ອາ​ເມ​ລິ​ກາ​ພວມ​​ແຜ່​ຂະ​ຫຍາ​ຍ​ຕື່ມ​ອີກ,ປະ​ເທດ​ຈີນ​ກໍ່ຫາ​ກໍ່​ປະສົບ​ໄພ​​ຝົນ​​ແລະ​ຫິມະ​ຕົກ​ໜັກ,​ແຕ່ສອງ​ເຫດ​ການດັ່ງກ່າວ​​ຈະສັ່ນ​ຄອນຄວາມ​ຕັດສິນ​ໃຈ​ປະຕິບັດ​ນະ​ໂຍບາຍ​ເງິນຕຶງຂອງ​ທະນາຄານກາງ​ຈີນ​ບໍ່​ໄດ້.

ທ່ານ​ອີ​ກ່າງ​ຍັງຄາດ​ວ່າ,ຈັງຫວະ​ເຕີບ​ໂຕ​ເສດຖະກິດ​ຂອງ​ຈີນ​​ໃນ​ປີ2008​ຈະ​ຢູ່ປະ​ມານ10%.