|
|
 |
| (GMT+08:00)
2008-02-25 15:21:15
|
 |
|
ທ່ານເຮີ້ກົວະສຽງພົບປະທ່ານແກ້ວພຸດຣັດສະໝີປະທານພັກຟຸນຊິນເປັກກຳປູເຈຍ
cri
ຕາມຂ່າວCRI,ວັນທີ25ກຸມພານີ້,ຢູ່ທີ່ປັກກິ່ງ,ທ່ານເຮີ້ກົວະສຽງ ກຳມະການກົມການເມືອງສູນກາງພັກກອມມູນິດຈີນໄດ້ພົບປະກັບທ່ານແກ້ວພຸດຣັດສະໝີ ປະທານພັກຟຸນຊິນເປັກ ຮອງນາຍົກລັດຖະມົນຕີກຳປູເຈຍ.ທ່ານເຮີ້ໂກສຽງກ່າວວ່າ,ຈີນຍິນດີເພີ່ມທະວີການຮ່ວມມືກັນລະຫວ່າງພັກກອມມູນິດຈີນກັບພັກຟຸນຊິນເປັກ,ຮ່ວມກັນຊຸກຍູ້ໃຫ້ການພົວພັນລະຫວ່າງສອງປະເທດຂະຫຍາຍໄປໜ້າຢ່າງບໍ່ຢຸດຢັ້ງ.
ທ່ານເຮີ້ກົວະສຽງກ່າວວ່າ,ນັບແຕ່ຈີນກຳປູເຈຍສ້າງສາຍສຳພັນທາງການທູດ50ປີມານີ້,ໄດ້ຜ່ານການທົດສອບຂອງການປ່ຽນແປງຂອງສະຖານະການສາກົນ,ໄດ້ດຳເນີນການຮ່ວມມືຢ່າງມີປະສິດທິຜົນໃນຂົງເຂດຕ່າງໆ.ທ່ານກ່າວວ່າ,ຈີນແມ່ນປະເທດບ້ານໃກ້ເຮືອນຄຽງທີ່ດີ,ເພື່ອນມິດທີ່ດີແລະຄູ່ຮ່ວມມືທີ່ດີຂອງກຳປູເຈຍຈົນເທົ່າໃດໆ.ພັກກອມມູນິດຈີນຫວັງຢາກເພີ່ມທະວີການຮ່ວມມືກັບພັກຟຸນຊິນເປັກຂອງກຳປູເຈຍໃນດ້ານຕ່າງໆເຊັ່ນການຢ້ຽມຢາມເຊິ່ງກັນແລະກັນລະຫວ່າງຂັ້ນນຳຊັ້ນສູງ,ການແລກປ່ຽນບົດຮຽນດ້ານການປົກຄອງແລະການໄປມາຫາສູ່ກັນລະຫວ່າງຊາວໜຸ່ມເປັນຕົ້ນ.
ທ່ານຣັດສະໝີກ່າວວ່າ,ລາຊະອານາຈັກກຳປູເຈຍແລະພັກຟຸນຊິນເປັກກັບລັດຖະບານຈີນແລະພັກກອມມູນິດຈີນມີການພົວພັນຮ່ວມມືມິດຕະພາບອັນເປັນມູນເຊື້ອ,ກຳປູເຈຍຈະສືບຕໍ່ຍຶດໝັ້ນປະຕິບັດຫຼັກການປະເທດຈີນດຽວຢ່າງເດັດດ່ຽວໜຽວແໜ້ນ,ເພີ່ມທະວີການຮ່ວມມືມິດຕະພາບກັບພັກກອມມູນິດຈີນ.
|
|
|
