|
|
 |
| (GMT+08:00)
2008-02-25 20:22:06
|
 |
|
ຈີນຈະສ້າງລະບຽບກວດກາສິ່ງແວດລ້ອມຂອງວິສາຫະກິດເຂົ້າຕະຫຼາດຫຸ້ນ
cri
Author: d
ຕາມຂ່າວCRI: ອີງຕາມຄຳຊີ້ນຳຂອງກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນທີ່ປະກາດຢ່າງເປັນທາງການໃນວັນທີ25ກຸມພານີ້,ປີ2008 ຈີນຈະສ້າງລະບຽບກວດກາສິ່ງແວດລ້ອມຂອງວິສາຫະກິດເຂົ້າຕະຫຼາດຫຸ້ນ,ຈຳກັດບໍ່ໃຫ້ບໍລິສັດທີ່ສ້າງມົນລະພິດສູງເຂົ້າຕະຫຼາດຫຸ້ນຄັ້ງທຳອິດຫຼືຮ້ອງຂໍຫ້າງຫາເງິນທຶນອີກ,ເພື່ອປ້ອງກັນບໍ່ໃຫ້ຂະຫຍາຍຂະໜາດໃຫຍ່ເກີນໄປ.
ຄຳຊີ້ນຳຂອງກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກຳນົດວ່າ,ບໍລິສັດທີ່ສ້າງມົນລະພິດໜັກ 13 ປະເພດຄືການຜະລິດໄຟຟ້າດ້ວຍຖ່ານຫີນແລະນ້ຳມັນ ເຫຼັກກ້າ ແລະຊີມັງເປັນຕົ້ນ ຮ້ອງຂໍຈຳໜ່າຍບັດຫຸ້ນສ່ວນເປັນຄັ້ງທຳອິດຫຼືຫ້າງຫາເງິນທຶນອີກຢ່າງເປີດເຜີຍ,ຕ້ອງອີງຕາມຂໍ້ກຳນົດຂອງກົມໃຫຍ່ອະນຸລັກສິ່ງແວດລ້ອມແຫ່ງຊາດເພື່ອດຳເນີນການກວດກາການອະນຸລັກສິ່ງແວດລ້ອມ,ບໍລິສັດທີ່ບໍ່ໄດ້ຜ່ານການກວດກາແລະອະນຸມັດ ຈະບໍ່ໃຫ້ຮັບເອົາການຮ້ອງຂໍອີກ.
ຕາມການແຈ້ງວ່າ,ປະຈຸບັນ ກົມໃຫຍ່ອະນຸລັກສິ່ງແວດລ້ອມແຫ່ງຊາດໄດ້ສຳເລັດການກວດກາສະພາບອະນຸລັກສິ່ງແວດລ້ອມຂອງ37ບໍລິສັດທີ່ເຂົ້າຕະຫຼາດຫຸ້ນ,ໃນນັ້ນ ໄດ້ຕົກລົງບໍ່ອະນຸຍາດ10ວິສາຫະກິດທີ່ມີບັນຫາສິ່ງແວດລ້ອມອັນໜັກໜ່ວງ ຫຼືຕົກລົງໂຈະການເຂົ້າຕະຫຼາດຫຸ້ນຊົ່ວຄາວ.
|
|
|
