|
|
 |
| (GMT+08:00)
2008-02-26 11:06:05
|
 |
|
ຈີນກຽມປັບປຸງກົດຫມາຍເພື່ອເພີ່ມທະວີການລົງໂທດການສ້າງມົນລະພິດທາງນ້ຳນ້ຳ
cri
ຕາມຂ່າວCRI:ວັນທີ 26 ກຸມພານີ້,ຈີນໄດ້ຍື່ນຮ່າງກົດຫມາຍວ່າດ້ວຍການປ້ອງກັນການສ້າງມົນລະພິດທາງນ້ຳສະບັບປັບປຸງໃຫ້ຄະນະປະຈຳສະພາປະຊາຊົນແຫ່ງຊາດທີ່ເປັນອົງການນິຕິບັນຍັດຈີນເພື່ອພິຈາລະນາ.ການປັບປຸງເທື່ອນີ້ໄດ້ເພີ່ມການລົງໂທດຕໍ່ການກະທຳຜິດໃນການສ້າງມົນລະພິດທາງນ້ຳແລະຜູ່ຮັບຜິດຊອບ,ເພື່ອປັບປຸງລະບົບປ້ອງກັນປົວແປງການສ້າງມົນລະພິດທາງນ້ຳໃຫ້ສົມບູນຂຶ້ນຕື່ມອີກ
ຕາມຮ່າງກົດຫມາຍສະບັບປັບປຸງ,ຈີນຈະເສີມສ້າງລະບົບຄຸ້ມຄອງຍອດປະລິມານການລະບາຍມົນລະພິດທາງນ້ຳ,ປັບປຸງລະບົບເຄືອຂ່າຍຕິດຕາມວັດແທກສິ່ງແວດລ້ອມທາງນ້ຳໃຫ້ສົມບູນຂຶ້ນຕື່ມອີກ,ແລະຈັດເອົາສະພາບປົກປ້ອງສິ່ງແວດລ້ອມນ້ຳເຂົ້າໃນຂອບເຂດກວດສອບຂອງອົງການປົກຄອງທ້ອງຖິ່ນແລະຜູ່ຮັບຜິດຊອບ.ຮ່າງກົດຫມາຍໄດ້ເພີ່ມການລົງໂທດຕໍ່ການກະທຳຜິດໃນການສ້າງມົນລະພິດທາງນ້ຳທີ່ລະເມີດກົດຫມາຍດ້ານຕ່າງໆ,ເພີ່ມຄ່າໃຊ້ແທນຂອງຜູ່ສ້າງມົນລະພິດໃຫ້ສູງຂຶ້ນ,ແລະກຳນົດໄວ້ວ່າ,ຈະສວນຫາຄວາມຮັບຜິດຊອບທາງອາຍາຕໍ່ຜູ່ກໍ່ເຫດໃນເຫດການສ້າງມົນລະພິດທາງນ້ຳທີ່ຮ້າຍແຮງ
|
|
|
