ຕາມ​ຂ່າວສານ​ຊິນ​ຮວາ:ວັນ​ທີ 27 ກຸມພາ​ນີ້,​ໃນ​ເວລາ​ທ່ານ​ຕູ້​ຢິງ ຮອງ​ຫົວ​ຫນ້າ​ຄະນະ​ກຳມະການ​ການ​ພັດທະນາ​ແລະ​ການປະຕິ​ຮູບ​ແຫ່ງ​ລັດ​ຈີນ​ໃຫ້​ສຳພາດ​ຕໍ່​ນັກ​ຂ່າວຢູ່​ທີ່​ນະຄອນຫຼວງ​ປັກ​ກິ່ງ,​ທ່ານ​ກ່າວ​ວ່າ,ປີ 2008, ອະສັງຫາລິມະ​ຊັບຂອງ​ລັດ​ເຂົ້າ​ໃນຊົນນະບົດ​ຈະ​ຫຼາຍ​ກວ່າ​ປີ​ກາຍ​ນີ້​ຢ່າງ​ຊັດ​ເຈນ.

ທ່ານ​ຕູ້​ຢິງກ່າວ​ວ່າ,ປີ​ນີ້ ຄະນະ​ກຳມະການ​ການ​ພັດທະນາ​ແລະ​ການປະຕິ​ຮູ​ບ​ແຫ່ງ​ລັດ​ຈີນ​ຈະ​ສືບ​ຕໍ່​ເພີ່ມ​ການ​ລົງທຶນ​ເຂົ້າ​ໃນ​ການສະ​ຫນັບ​ສະ​ຫນູນ​ຊົນນະບົດ,​ໃນ​ຫມົດ​ປີ​ນີ້ ຈະ​​ໃຊ້ງົບປະມານ​ສຳລັບ​ດ້ານ​ນີ້ເຖິງ 150 ຕື້​ກວ່າ​ຢວນ,​ເພີ່ມ​ຂຶ້ນ​ຫຼາຍ​ກວ່າ​ປີ 2007  20 ຕື້​ກວ່າ​ຢວນ,​ໃນ​ນັ້ນ  ງົບປະມານ 49%​ ຈະ​ໃຊ້​ເຂົ້າ​ໃນ​ການ​ລົງທຶນດ້ານ​ກະສິກຳ​ແລະ​ຊົນ​ນະ​ບົດ.

 ທ່ານ​ຕູ້​ຢິງກ່າວ​ວ່າ,ຄະນະ​ກຳມະການ​ການ​ພັດທະນາ​​ແລະ​ການປະຕິ​ຮູບ​ແຫ່ງ​ລັດ​ຈີນ​ຈະ​ສະຫນັບສະ​ຫນູນ​ຄວາມ​ສາມາດ​ລວມດ້ານ​ການ​ຜະ ລິດ​ຂອງ​ຜະລິດ​ຕະພັນ​ກະສິກຳ​ທີ່​ສຳຄັນ​ໃຫ້ສູງ​ຂຶ້ນ,ສືບ​ຕໍ່​ເພີ່ມ​ທະວີ​ການ​ກໍ່ສ້າງ​ພື້ນຖານ​ໂຄງ​ລ່າງ​ໃນຊົນນະບົດ,​ເພີ່ມ​ການ​ລົງທຶນ​​ໃນ​ວຽກ​ງານ​ສັງຄົມ​ຂອງ​ຊົນນະບົດ,​ເພີ່ມ​ທະວີ​ການ​ສ້າງສາສິ່ງ​ແວດ​ລ້ອມທຳ​ມະ​ຊາດ​ໃຫ້​ດີ​ຂຶ້ນ​ຕື່ມ.