ຕາມ​ຂ່າ​ວສານ​ຊິນ​ຮວາ:ວັນ​ທີ28​ກຸມພາ​ນີ້,ຢູ່​ເມືອງ​ຊູ່​ໂຈ່​ວ ທາງພາກ​ຕາ​ເວັນ​ອອກ​ຂອງ​ຈີນ,ທ່ານ​ມາ​ເຕີ​ລຸນ ຮອງ​ຜູ່​ວ່າການທະນາຄານ​ປະຊາ​ຊົນ​ຈີນກ່າວ​ວ່າ,ທະນາ​ຄານ​ກາງ​ຈະ​ຈັດ​ຕັ້ງ​ປະ​ຕິ​ບັດ​ນະ​ໂຍບາຍ​ເງິນ​ຕຶງ​ຕື່ມ​ອີກ,​ເພື່ອບັນ​ລຸ​ເປົ້າ​ໝາຍ​ທີ່​ລະງັບ​ໄພ​ເງິນ​ເຟີ້.

ໃນ"​ງານ​ສຳມະ​ນາສາ​ກົນຄ່າລ້ຽງ​ຜ່​ເຖົ້າປີ2008"ທີ່ສະພາ​ມົນ​ຕີກອງ​ທຶນ​ປະກັນ​ສັງຄົມ​ທົ່ວ​ປະ​ເທດ​ຈີນ,ທ່ານ​ມາ​ເຕິ​ລຸນ​ກ່າວ​ວ່າ,ກອງປະຊຸມວຽກ​ງານ​ເສດຖະກິດສູນ​ກາງ​ໄດ້ຕົກລົງ​ວ່າ,ປີ​ນີ້ ຈະ​ປະຕິບັດ​ນະ​ໂຍບາຍ​ເງິນ​ຕຶງ, ນັບ​ແຕ່​ຕົ້ນປີນີ້​ມາ,ທະນາຄານ​ກາງ​ໄດ້​ເພິ່ມຄວາມ​​ແຮງ​ຂອງ​ນະ​ໂຍບາຍເງິນ​ຕຶງ,​ເຊື່ອ​ວ່າ​ຜ່າ​ນ​ຈາກ​ມາດ​ຕະການ​ທີ່​ກ່ຽວຂ້ອງ,ສາມາດ​​ເຮັດ​ໃຫ້ຄວາມ​ໄວ​ເພິ່ນ​ຂຶ້ນ​ຂອງຕົວ​ເລກ​ດັດຊະນີ​ບໍລິ​ໂພ​ກຂອງ​ປະຊາຊົນ ຫຼື CPIທີ່​ສູງ​ເກີນ​ໄປ​ນັ້ນ​ຊ້າ​ລົງ.

ນັບ​ແຕ່6​ເດືອນ​ທ້າ​ຍປີ2007​ເປັນ​ຕົ້ນ​ມາ,ລາຄາສິນຄ້າ​ຂອງ​ຈີນ​​ໄດ້​ສູງ​ຂຶ້ນ​ເທື່ອ​ລະ​ກ້າວ,ໃນ​ເດືອນ​ມັງກອນ​ປີ​ນີ້, CPI​ໄດ້​ເພິ່ມຂຶ້ນ7,1%​ເມື່ອທຽບ​ກັບ​​ໄລຍະ​ດຽວ​ກັນ​ຂອງ​ປີ2007.