|
ປີກາຍນີ້, ປະຊາກອນຜູ້ທຸກຍາກຂອງຊົນນະບົດຈີນໄດ້ຫຼຸດລົງ 13 ລ້ານ 7 ແສນກວ່າຄົນ
cri
Author: mo
ຕາມຂ່າວສານຊີນຮວາ: ວັນທີ 28 ກຸມພານີ້, ຢູ່ທີ່ປັກກິ່ງ, ໂຄສົກຖະແຫຼງຂ່າວຂອງຫ້ອງການພັດທະນາເພື່ອຫຼຸດຜ່ອນຄວາມທຸກຍາກຂອງລັດຖະບານຈີນກ່າວວ່າ, ປີກາຍນີ້, ປະຊາກອນຜູ້ທຸກຍາກຂອງຊົນນະບົດຈີນໄດ້ຫຼຸດລົງ 13 ລ້ານ 7 ແສນກວ່າຄົນ, ແມ່ນປີໜຶ່ງທີ່ຫຼຸດຄວາມທຸກຍາກໄວກວ່າໝູ່ນັບແຕ່ປະຕິບັດໂຄງການພັດທະນາເພື່ອຫຼຸດຜ່ອນຄວາມທຸກຍາກຢູ່ຊົນນະບົດຈີນແຕ່ປີ 2001ເຖີງປີ2010.
ປີກາຍນີ້, ນະໂຍບາຍຕ່າງໆກ່ຽວກັບການສະໜັບສະໜູນແລະສ້າງຜົນປະໂຫຍດແກ່ຊາວກະສິກອນຂອງຈີນໄດ້ເພີ່ມຂຶ້ນຕື່ມອີກ, ງົບປະມານເພີ່ມຂຶ້ນຫຼາຍ, ໄດ້ນຳພາເຂດທຸກຍາກພັດທະນາແລະໃຫ້ຊາວກະສິກອນຜູ້ທຸກຍາກມີລາຍໄດ້ເພີ່ມຂຶ້ນ. ປີກາຍນີ້, ການເງິນສູນກາງໄດ້ໃຊ້ງົບປະມານ 14 ຕື້ 400 ລ້ານຢວນເພື່ອຫຼຸດຜ່ອນຄວາມທຸກຍາກ, ເພີ່ມຂຶ້ນຫຼາຍກວ່າປີ 2006 700 ລ້ານຢວນ, ອົງການປົກຄອງທ້ອງຖິ່ນຕ່າງໆກໍ່ໄດ້ເພີ່ມງົບປະມານເຂົ້າໃນການພັດທະນາແລະຫຼຸດຜ່ອນຄວາມທຸກຍາກ.
|
|
