|
|
 |
| (GMT+08:00)
2008-03-03 18:35:23
|
 |
|
ສັນຍານໂທລະພາບກ່ຽວກັບການສົ່ງຕໍ່ທວນໄຟງານກິລາໂອລິມປິກປັກກິ່ງຈະສົ່ງໄປທົ່ວໂລກໂດຍບໍ່ເກັບຄ່າ
cri
ຕາມຂ່າວສານຊິນຮວາ,ກິດຈະກຳສົ່ງຕໍ່ທວນໄຟງານກິລາໂອລິມປິກປັກກິ່ງຈະຈັດພິທີຕໍ່ໄຟສັກສິດໃນທ້າຍເດືອນນີ້.ເລີ່ມແຕ່ວັນທີ1ເມສາປີນີ້ເປັນຕົ້ນໄປ,ຄະນະຈັດຕັ້ງງານກິລາໂອລິມປິກປັກກິ່ງຈະສົ່ງສັນຍານໂທລະພາບກ່ຽວກັບການສົ່ງຕໍ່ທວນໄຟໃນແຕ່ລະມື້ໄປໃຫ້ທົ່ວໂລກໂດຍບໍ່ເກັບຄ່າ.
ພິທີຕໍ່ໄຟສັກສິດງານກິລາໂອລິມປິກປັກກິ່ງຈະຈັດຂຶ້ນຢູ່ເມືອງໂອລິມເປຍຂອງເກຼັກໃນວັນທີ24ເດືອນນີ້,ເຊິ່ງເປັນຂີດໝາຍສະແດງໃຫ້ເຫັນວ່າກິດຈະສົ່ງຕໍ່ທວນໄຟງານກິລາໂອລິມປິກປັກກິ່ງເລີ່ມຂຶ້ນຢ່າງເປັນທາງການ.ຄະນະຮັບຜິດຊອບສົ່ງສັນຍານໂທລະພາບທາງການກ່ຽວກັບການສົ່ງຕໍ່ທວນໄຟງານກິລາໂອລິມປິກປັກກິ່ງເລີ່ມຈາກເວລາຕໍ່ໄຟຢູ່ອັນມາອາຕາແຫ່ງກາຊັກສະຖານໃນວັນທີ1ເມສາປີນີ້,ໃນແຕ່ລະມື້ຈະສົ່ງສັນຍານໂທລະພາບທີ່ມີການລາຍງານຂ່າວດ້ວຍພາສາຈີນແລະພາສາອັງກິດເປັນເວລາ15ນາທີ,ແລ້ວສົ່ງໄປໃຫ້ທົ່ວໂລກໂດຍບໍ່ເກັບຄ່າ.
ກິດຈະກຳສົ່ງຕໍ່ທວນໄຟງານກິລາໂອລິມປິກປັກກິ່ງມີຄຳຂວັນທີ່ວ່າ"ໄຕ້ແສງແຫ່ງຄວາມກະຕືລືລົ້ນ,ສົ່ງຕໍ່ຄວາມຝັນ",ແລະສົ່ງຕໍ່ທວນໄຟໃນ5ທະວີບໃຫຍ່ຂອງໂລກ.
|
|
|
