ທ່ານຈ່າງອີ້ໂມມີຄວາມໝັ້ນໃຈຕໍ່ພິທີໄຂງານກິລາໂອລິມປິກປັກກິ່ງ
cri
Author: m
ຕາມຂ່າວສານຈີນ: ວັນທີ 3 ມີນານີ້, ຢູ່ທີ່ປັກກິ່ງ, ທ່ານຈ່າງອີ້ໂມ ຫົວໜ້າຜູ້ກຳກັບການສະແດງຂອງພິທີໄຂງານກິລາໂອລິມປິກປັກກິ່ງກ່າວວ່າ, ທ່ານມີຄວາມໝັ້ນໃຈແນ່ນອນຕໍ່ພິທີໄຂງານກິລາໂອລິມປິກປັກກິ່ງທີ່ຈະໄດ້ຮັບຜົນສຳເລັດ.
ໃນຖານະທີ່ເປັນກຳມະການສະພາເປິກສາການເມືອງຈີນ, ກ່ອນຈະເຂົ້າຮ່ວມກອງປະຊຸມເທື່ອທີໜຶ່ງສະໄໝທີ 11 ຂອງສະພາເປິກສາການເມືອງຈີນທີ່ຈັດຂຶ້ນໃນມື້ນີ້, ທ່ານຈ່າງອີ້ໂມໄດ້ໃຫ້ສຳພາດຕໍ່ນັກຂ່າວ. ກ່ຽວກັບສະພາບກະກຽມພິທີໄຂງານກິລາໂອລິມປິກປັກກິ່ງ, ທ່ານເຜີຍໃຫ້ຮູ້ວ່າ, ປະຈຸບັນ, ໄດ້ກ້າວເຂົ້າໃນໄລຍະຝຶກແອບຂະໜາດໃຫຍ່ແລ້ວ, ມີນັກສະແດງຫຼາຍກວ່າ 1 ໝື່ນຄົນ.
ທ່ານຈ່າງອີ້ໂມກ່າວວ່າ, ປະຈຸບັນ, ເພງໂອລິມປິກກຳລັງຄັດເລືອກຢູ່.
ກ່ຽວກັບທ່ານສຕີເວິນ ສພິວເບິກ ຜູ້ກຳກັບການສະແດງອາເມລິກາຂໍລາຈາກຕຳແໜ່ງທີ່ເປິກສາສິລະປະຂອງງານກິລາໂອລິມປິກປັກກິ່ງ, ທ່ານຈ່າງອີ້ໂມຮູ້ສຶກ ເສຍດາຍ, ແຕ່ເຫັນວ່າການລາຈາກຕຳແໜ່ງຂອງທ່ານຈະບໍ່ມີຜົນສະທ້ອນຫຍັງຕໍ່ພິທີໄຂງານກິລາໂອລິມປິກປັກກິ່ງ.
|
|