|
ຈີນເຊື່ອວ່າພາຍໃຕ້ການນຳພາຂອງທ່ານເມັດເວເດັຟ,ຣັດເຊຍຈະໄດ້ຮັບຜົນສຳເລັດໃຫຍ່ຫຼວງກວ່າເກົ່າ
cri
ຕາມຂ່າວCRI,ໃນງານຖະແຫຼງຂ່າວທີ່ຈັດຂຶ້ນໃນວັນທີ4ມີນານີ້,ທ່ານຊິນກ່າງໂຄສົກກະຊວງການຕ່າງປະເທດຈີນກ່າວວ່າ,ຈີນເຊື່ອວ່າ ພາຍໃຕ້ການນຳພາຂອງທ່ານດີມີຕຼີ ເມັດເວເດັຟ,ຣັດເຊຍຈະໄດ້ຮັບຜົນສຳເລັດໃຫຍ່ຫຼວງກວ່າເກົ່າບົນເສັ້ນທາງສ້າງປະເທດໃຫ້ເຂັ້ມແຂງຮັ່ງມີ,ຈະປະກອບສ່ວນຫຼາຍກວ່າເກົ່າໃນການປົກປັກຮັກສາສັນຕິພາບຂອງໂລກແລະຊຸກຍູ້ພາລະກິດພັດທະນານຳກັນ.
ທ່ານຊິນກ່າງກ່າວວ່າ,ຈີນຍິນດີພ້ອມກັນກັບຣັດເຊຍ,ປະຕິບັດຕາມຫຼັກການແລະນ້ຳໃຈຂອງສົນທິສັນຍາການຮ່ວມມືຢ່າງມີໄມຕີຈິດຖານບ້ານໃກ້ເຮືອນຄຽງລະຫວ່າງຈີນຣັດເຊຍ,ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດໃຫ້ກ້າວຂຶ້ນສູ່ລະດັບສູງໃໝ່.
|
|
