ທ່ານຫູຈີນທາວກ່າວເນັ້ນວ່າຕ້ອງກຳຫົວຂໍ້ຂະຫຍາຍການພົວພັນລະຫວ່າງສອງຝັ່ງຊ່ອງແຄບໂດຍສັນຕິ ສະແຫວງຫາສັນຕິພາບໃຫ້ເຂດຊ່ອງແຄບໄຕ້ຫວັນ
cri
ຕາມຂ່າວ CRI: ວັນທີ 4 ມີນານີ້, ຢູ່ທີ່ປັກກິ່ງ, ທ່ານຫູຈີນທາວ ປະທານປະເທດຈີນກ່າວວ່າ, ຕ້ອງກຳແໜ້ນຫົວຂໍ້ຂະຫຍາຍການພົວພັນລະຫວ່າງສອງຝັ່ງຊ່ອງແຄບໄຕ້ຫວັນໂດຍສັນຕິ, ສະແຫວງຫາຄວາມສຸກໃຫ້ພີ່ນ້ອງຮ່ວມຊາດສອງຝັ່ງ, ສະແຫວງຫາສັນຕິພາບໃຫ້ເຂດຊ່ອງແຄບໄຕ້ຫວັນຢ່າງຈິງໃຈ, ຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງປະເທດຊາດ, ຮັກສາຜົນປະໂຫຍດພື້ນຖານຂອງຈີນ.
ທ່ານຫູຈີນທາວແມ່ນໃຫ້ທັດສະນະດັ່ງກ່າວໃນເວລາໄປຢາມກຳມະການຂອງຄະນະກຳມະການປະຕິວັດພັກກົກມິນຕັງຈີນ, ອົງການສຳພັນໄຕ້ຫວັນປົກຄອງຕົນເອງໂດຍປະຊາທິປະໄຕແລະສະມາຄົມພີ່ນ້ອງຮ່ວມຊາດໄຕ້ຫວັນທົ່ວປະເທດຈີນທີ່ພວມເຂົ້າຮ່ວມກອງປະຊຸມຄັ້ງທີ 1 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 11 ໃນຕອນບ່າຍວັນທີ 4 ມີນານີ້.
ທ່ານຫູຈີນທາວກ່າວວ່າ, ບໍ່ວ່າພັກການເມືອງໃດໆຂອງໄຕ້ຫວັນ, ທະແນມແຕ່ຮັບຮູ້ວ່າສອງຝັ່ງຊ່ອງແຄບໄຕ້ຫວັນລ້ວນແຕ່ຂຶ້ນກັບປະເທດຈີນດຽວ,ພວກເຮົາກໍ່ຍິນດີແລກປ່ຽນສົນທະນາແລະເຈລະຈາປຶກສາຫາລືກັບພວກເຂົາເຈົ້າ.ຖານະການເຈລະຈາແມ່ນສະເໝີພາບກັນ,ຫົວຂໍ້ປຶກສາເປີດເຜີຍ,ບໍ່ວ່າບັນຫາຫຍັງກໍເອົາມາເຈລະຈາກັນໄດ້.
ທ່ານຫູຈີນທາວຊີ້ອອກວ່າ, ການເຄື່ອນໄຫວແບ່ງແຍກໄຕ້ຫວັນແມ່ນຝ່າຝືນຈິດໃຈອັນໝັ້ນໜຽວທີ່ທ້ອນໂຮມປະເທດຊາດໃຫ້ເປັນເອກະພາບກັນຂອງປະຊາຊາດຈີນ,ການເຄື່ອນໄຫວດັ່ງກ່າວແມ່ນບໍ່ມີທາງອອກ, ຕ້ອງປະລະໄຊແນ່ນອນ. ພວກເຮົາບໍ່ປະນີປະນອມກັບການເຄື່ອນໄຫວແບ່ງແຍກໄຕ້ຫວັນໃຫ້ເປັນເອກະລາດຢ່າງເດັດຂາດ.
|
|