ງານວາງສະແດງເຄື່ອງຫັດຖະກຳພື້ນເມືອງສາກົນຈີນ 2008 ຈະຈັດຂຶ້ນໃນເດືອນກໍລະກົດປີນີ້
cri
Author: mo
ຕາມຂ່າວສານຊີນຮວາ: ວັນທີ 5 ມີນານີ້, ພະແນກວັດທະນະທຳຂອງແຂວງຢຸນນານ ພາກຕາເວັນຕົກສຽງໃຕ້ຂອງຈີນແຈ້ງໃຫ້ຊາບວ່າ, ງານວາງເຄື່ອງຫັດຖະກຳພື້ນເມືອງສາກົນຄຸນມິງຈີນ 2008 ແລະງານວາງສະແດງສິນຄ້າວັດທະນະທຳທ່ອງທ່ຽວຈະຈັດຂຶ້ນຢູ່ສູນວາງສະແດງສາກົນຄຸນມິງແຕ່ວັນທີ 16 ຫາວັນທີ 20 ກໍລະກົດປີນີ້.
ຕາມຊາບວ່າ, ງານວາງສະແດງເທື່ອນີ້ແມ່ນເທື່ອທຳອິດ, ຈະວາງສະແດງ11 ປະເພດຄື:ຮູບຄວັດຮູບປັ້ນ, ເສື້ອຜ້າອາພອນ, ເຄື່ອງດົນຕີພື້ນເມືອງຂອງຊົນເຜົ່າ, ເຄື່ອງລະລຶກການທ່ອງທ່ຽວ, ຫີນງາມແລະເຄື່ອງເອ້ທີ່ແກ້ວມໍລະກົດຢຸກເປັນຕົ້ນ, ເນື້ອທີ່ວາງສະແດງມີ 10,000 ຕາແມັດ.
ຮອດເວລານັ້ນ ຊ່າງຫັດຖະກຳພື້ນເມືອງຊົນເຜົ່າແລະວິສາຫະກິດໃນແຫ່ງຕ່າງໆທົ່ວປະເທດຈະມາເຂົ້າຮ່ວມ, ນັກທຸລະກິດຂອງປະເທດແລະເຂດແຄວ້ນຕ່າງໆເຊັ່ນຍີ່ປຸ່ນ ສ.ເກົາຫລີ ອາຊີຕາເວັນອອກ ອາຊີອາຄະເນ ແລະເອີລົບອາເມລິກາກໍ່ຈະມາຮ່ວມງານຢູ່ນະຄອນຄຸນມີງ.
|
|