|
ສອງຝ່າຍຈີນຍີ່ປຸ່ນປຶກສາຫາລືຢ່າງຕັ້ງໜ້າຕະຫຼອດມາກ່ຽວກັບລາຍການລະອຽດຂອງທ່ານຫູຈິນທາວປະທານປະເທດຈີນຢ້ຽມຢາມຍີ່ປຸ່ນ
cri
ຕາມຂ່າວCRI,ວັນທີ6ມີນານີ້,ຢູ່ທີ່ປັກກິ່ງ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ສອງຝ່າຍຈີນຍີ່ປຸ່ນປຶກສາຫາລືຢ່າງຕັ້ງໜ້າຕະຫຼອດມາກ່ຽວກັບລາຍການລະອຽດຂອງທ່ານຫູຈິນທາວ ປະທານປະເທດຈີນຢ້ຽມຢາມຍີ່ປຸ່ນ.ຈີນເຊື່ອວ່າການຢ້ຽມຢາມເທື່ອນີ້ຈະມີຜົນສະທ້ອນອັນເລິກເຊິ່ງຍາວໄກຕໍ່ການຊຸກຍູ້ການພົວພັນລະຫວ່າງສອງປະເທດພັດທະນາຢ່າງຍາວນານ ປອດໃສແລະໝັ້ນທ່ຽງ.
ໃນງານຖະແຫຼງຂ່າວທີ່ຈັດຂຶ້ນໃນວັນທີ6ມີນານີ້,ທ່ານຊິນກ່າງປະຕິເສດບໍ່ຮັບຮູ້ການລາຍງານຂ່າວຂອງບາງສື່ມ່ວນຊົນຕ່າງປະເທດກ່ຽວກັບການຢ້ຽມຢາມຍີ່ປຸ່ນຂອງທ່ານຫູຈິນທາວຈະເລື່ອນເວລາຍ້ອນເຫດການຂະໜົມກ້ຽວມີພິດທີ່ເກີດຂຶ້ນຢູ່ຍີ່ປຸ່ນ.ທ່ານຊີ້ອອກວ່າ,ສອງຝ່າຍຈີນຍີ່ປຸ່ນພວມສຸມກຳລັງເຂົ້າໃນການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ,ຈະບໍ່ມີການປ່ຽນແປງຍ້ອນເຫດການໃດໜຶ່ງ.
ທ່ານຊິນກ່າວກ່າວວ່າ,ຈີນຫວັງວ່າ ພະແນກຮັບຜິດຊອບຂອງສອງປະເທດຈີນຍີ່ປຸ່ນໂດຍສະເພາະແມ່ນຝ່າຍຕຳຫຼວດສືບຕໍ່ເພີ່ມການປະສານງານກັນ,ຮ່ວມມືຢ່າງໃກ້ຊິດ,ໃຊ້ທ່າທີທີ່ໃຈເຢັນ,ພາວະວິໄສ,ທ່ຽງທຳແລະວິທະຍາສາດ,ດຳເນີນການສຳຫຼວດເຫດການຂະໜົມກ້ຽວທີ່ມີພິດ,ໃຫ້ຄຳຕອບຢ່າງມີຄວາມຮັບຜິດຊອບແກ່ປະຊາຊົນສອງຊາດ.ພ້ອມກັນນັ້ນ,ທ່ານກ່າວວ່າ,ຈີນຍິນດີຮ່ວມກັບຍີ່ປຸ່ນສ້າງກົນໄກຮ່ວມມືດ້ານຄວາມປອດໄພຂອງອາຫານລະຫວ່າງສອງປະເທດຢ່າງມີປະສິດທິຜົນໃນໄລຍະຍາວ.
|
|
