|
ຜູ້ແທນຊາວກະສິກອນທີ່ເຮັດວຽກໃນຕົວເມືອງທີ່ປະກົດຕົວໃນອົງການອຳນາດສູງສຸດຂອງຈີນເປັນເທື່ອທຳອິດໃຫ້ສຳພາດຕໍ່ນັກຂ່າວ
cri
Author: min
ຕາມຂ່າວ CRI: ວັນທີ 6 ມີນານີ້, ຢູ່ທີ່ປັກກິ່ງ, ຜູ້ແທນຊາວກະສິກອນທີ່ເຮັດວຽກໃນຕົວເມືອງ 3 ຄົນຂອງກອງປະຊຸມສະພາປະຊາຊົນແຫ່ງຊາດຈີນເຊິ່ງເປັນອົງການອຳນາດແຫ່ງຊາດສູງສຸດຂອງຈີນໄດ້ໃຫ້ສຳພາດຕໍ່ນັກຂ່າວຈີນແລະຕ່າງປະເທດ.
ຜູ້ແທນປະຊາຊົນທີ່ເຮັດວຽກໃນຕົວເມືອງ 3 ຄົນດັ່ງກ່າວຕ່າງມາຈາກນະຄອນຊຽງໄຮ້, ແຂວງກວງຕຸ້ງແລະນະຄອນຈົງກິງທີ່ມີປະຊາກອນຍົກຍ້າຍອ່າວຫຼາຍ. ປະຈຸບັນ, ຈຳນວນຄົນຂອງຊາວກະສິກອນທີ່ເຮັດວຽກໃນຕົວເມືອງໄດ້ລື່ນກາຍ 200 ຮ້ອຍລ້ານຄົນ, ຊາວກະສິກອນທີ່ເຮັດວຽກໃນຕົວເມືອງ 3 ຄົນດັ່ງກ່າວຖືກເລືອກເປັນຜູ້ແທນປະຊາຊົນເຮັດໃຫ້ຊາວກະສິກອນທີ່ເຮັດວຽກໃນຕົວເມືອງຂອງຈີນມີຜູ້ແທນໃນກອງປະຊຸມສະພາປະຊາຊົນແຫ່ງຊາດຈີນເປັນເທື່ອທຳອິດ.
ໃນເວລາຕອບຄຳຖາມຂອງນັກຂ່າວ, ຜູ້ແທນ 3 ຄົນດັ່ງກ່າວເວົ້າວ່າ, ໃນຫຼາຍປີມໍ່ໆມານີ້, ຖານະຂອງຊາວກະສິກອນທີ່ເຮັດວຽກໃນຕົວເມືອງໄດ້ສູງຂຶ້ນຢ່າງເດັ່ນຊັດ, ອົງການປົກຄອງຂັ້ນຕ່າງໆກໍ່ໄດ້ໃຊ້ມາດຕະການຫຼາຍຢ່າງເພື່ອຊ່ອຍເຫຼືອຊາວກະສິກອນທີ່ເຮັດວຽກໃນຕົວເມືອງແກ້ໄຂຄວາມຫຍຸ້ງຍາກຕິວຈິງ. ພ້ອມກັນນັ້ນ, ພວກເຂົາເຈົ້າກໍ່ຊີ້ອອກວ່າ, ບັນຫາຕ່າງໆທີ່ຊາວກະສິກອນເຮັດວຽກໃນຕົວເມືອງເອົາໃຈໃສ່ທີ່ສຸດ, ເຊັ່ນ: ສະຫວັດດີການ, ການສຶກສາຂອງລູກ, ການປະກັນສັງຄົມເປັນຕົ້ນຕ້ອງການລັດຖະບານເອົາໃຈໃສ່ຫຼາຍກວ່າເກົ່າ.
|
|
