|
ຕາມຂ່າວສານຊິນຮວາ,ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວ,ທ່ານນາງຊຸຍເວີ້ຍ ຮອງຜູ່ກຳກັບການສະແດງຂອງພິທີໄຂແລະອັດງານກິລາໂອລິມປິກຄັ້ງທີ29ກ່າວວ່າ,ພິທີໄຂງານກິລາໂອລິມປິກປັກກິ່ງຈະໃຊ້ວິທີທັນສະໄໝເຜີຍແຜ່ນ້ຳໃຈພິເສດຂອງວັດທະນະທຳຈີນຕໍ່ຜູ່ຊົມທັງຫຼາຍ,ເພື່ອໄດ້ຮັບໝາກຜົນທີ່ຜູ່ຊົມທົ່ວໂລກລ້ວນແຕ່ຍອມຮັບ.
ນາງຊຸຍເວີ້ຍກ່າວວ່າ,ເມື່ອໄດ້ເຮັດວຽກອອກແບບມາເປັນເວລາປີປາຍ,ປັດຈຸບັນ,ການອອກແບບພິທີໄຂແລະອັດງານກິລາໂອລິມປິກແລະງານກິລາໂອລິມປິກຄົນພິການໄດ້ສຳເລັດແລ້ວ,ແລະໄດ້ເຂົ້າສູ່ໄລຍະຝຶກຊ້ອມຢ່າງຮອບດ້ານໃນວັນທີ1ມີນານີ້.ການຄັດເລືອກນັກສະແດງກໍ່ເຄັ່ງຄັດທີ່ສຸດ,ນັກສິລະປິນແຫ່ງຕ່າງໆໃນທົ່ວປະເທດທີ່ເຂົ້າເຮັດວຽກໃນສູນເຮັດວຽກຈັດພິທີໄຂແລະອັດງານກິລາໂອລິມປິກແລະງານກິລາໂອລິມປິກຄົນພິການລ້ວນແຕ່ແມ່ນຜ່ານການຄັດເລືອກຢ່າງເຄັ່ງຄັດ,ເຊິ່ງບັນລຸລະດັບທີ່ສູງສຸດ.ປັດຈຸບັນ,ການຝຶກຊ້ອມໃນພິທີໄຂແລະອັດງານກິລາໂອລິມປິກແລະງານກິລາໂອລິມປິກຄົນພິການພວມດຳເນີນຢູ່ບ່ອນຝຶກຊ້ອມແຫ່ງຕ່າງໃນທົ່ວປະເທດ,ຈຳນວນນັກສະແດງມີຫຼາຍໝື່ນຄົນ,ແລະຈະໂຮມກັນຝຶກຊ້ອມຢູ່ປັກກິ່ງໃນເດືອນມິຖຸນາປີນີ້.
|
