|
ຈີນເຫັນວ່າປະຊາຄົມໂລກຄວນອອກສຽງດຽວກັນໃນບັນຫາດາຟູ
cri
ຕາມຂ່າວສານຊິນຮວາ,ວັນທີ7ມີນານີ້,ຢູ່ທີ່ປັກກິ່ງ,ທ່ານລິວກຸ້ຍຈິ່ນ ຜູ່ຕາງໜ້າພິເສດກ່ຽວກັບບັນຫາດາຟູຂອງລັດຖະບານຈີນກ່າວວ່າ,ປະຊາຄົມໂລກຄວນອອກສຽງດຽວກັນໃນບັນຫາດາຟູ.
ໃນກອງປະຊຸມຂ່າວກ່ຽວກັບບັນຫາດາຟູ,ທ່ານລິວກຸ້ຍຈິ່ນກ່າວວ່າ,ປະຊາຄົມໂລກບໍ່ຄວນສົ່ງສັນຍານຜິດພາດໄປໃຫ້ຂະບວນການຕໍ່ຕ້ານຂອງຊູດັງ,ຫາກຄວນອອກສຽງດຽວກັນ,ນັ້ນກໍ່ຄື ຄວນຈັດວາງກອງທະຫານຮັກສາສິນຕິພາບປະສົມໂດຍໄວ,ພ້ອມທັງຕ້ອງຊຸກຍູ້ຂະບວນການປອງດອງທາງການເມືອງ.
ທ່ານລິວກຸ້ຍຈິ່ນກ່າວວ່າ,ຈີນກັບຊູດັງໄດ້ຮັກສາການພົວພັນຮ່ວມມືຢ່າງມີໄມຕີຈິດຕະຫຼອດມາ,ສະນັ້ນ,ຈີນຈິ່ງໄດ້ເສີມຂະຫຍາຍບົດບາດພິເສດໃນບັນຫາດາຟູ,ແຕ່ວ່າ,ບໍ່ຄວນຄາດຄະເນສູງຕໍ່ອິດທິພົນຂອງຈີນຝ່າຍດຽວ.ການແກ້ໄຂບັນຫາດາຟູຕ້ອງການຄວາມພະຍາຍາມຮ່ວມຂອງຫຼາຍຝ່າຍ.
ທ່ານລິວກຸ້ຍຈິ່ນກ່າວວ່າ,ການເອົາບັນຫາດາຟູຕິດພັນກັບງານກິລາໂອລິມປິກປັກກິ່ງແມ່ນບໍ່ມີເຫດຜົນຫຍັງເລີຍ,ການກະທຳຂອງຄົນສ່ວນໜ້ອຍທີ່ສຸດທີ່ສວຍໃຊ້ບັນຫາສ່ວນໜ້ອຍທີ່ສຸດມາທຳລາຍກຽດສັກສີຂອງງານກິລາໂອລິມປິກນັ້ນຈະບໍ່ສຳເລັດຜົນຢ່າງເດັດຂາດ.
|
|
