|
|
 |
| (GMT+08:00)
2008-03-07 21:10:52
|
 |
|
ຈີນມີຄວາມໝັ້ນໃຈຮັບປະກັນຄວາມປອດໄພຂອງອາຫານງານກິລາໂອລິມປິກ
cri
Author: min
ຕາມຂ່າວສານຊິ່ນຮວາ: ທ່ານຫຼີຊາງຈ່ຽງ ຫົວໜ້າກົມໃຫຍ່ຕິດຕາມກວດກາຄຸນນະພາບແລະກວດກາພະຍາດແຫ່ງຊາດຈີນກ່າວຢູ່ປັກກິ່ງວ່າ, ຈີນມີຄວາມໝັ້ນໃຈເຕັມປ່ຽມທີ່ຮັບປະກັນຄວາມປອດໄພຂອງອາຫານງານກິລາໂອລິມປິກ.
ວັນທີ 6 ມີນານີ້, ໃນເວລາໃຫ້ສຳພາດຕໍ່ນັກຂ່າວ, ທ່ານຫຼີຊາງຈ່ຽງກ່າວວ່າ, ເພື່ອຮັບປະກັນຄວາມປອດໄພຂອງອາຫານງານກິລາໂອລິມປິກ, ລັດຖະບານຈີນແລະຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ສ້າງລະບົບຕິດຕາມຄຸ້ມຄອງຄວາມປອດໄພຂອງອາຫານງານກິລາໂອລິມປິກຢ່າງຄົບຖ້ວນແລະບັງເກີດຜົນ. ອາຫານງານກິລາໂອລິມປິກທັງໝົດລ້ວນແຕ່ມາຈາກວິສາຫະກິດປຸງແຕ່ງແລະລ້ຽງສັດທີ່ໄດ້ຜ່ານການຄັດເລືອກຢ່າງເຄັ່ງຄັດ, ບໍ່ພຽງແຕ່ທໍ່ນີ້ວິສາຫະກິດທີ່ມີຄຸນວຸດທິຖືກຄັດເລືອກລ້ວນແຕ່ຕ້ອງບັນລຸມາດຕະຖານສາກົນ, ພ້ອມກັນນັ້ນ, ອາຫານງານກິລາໂອລິມປິກທັງໝົດລ້ວນແຕ່ຕ້ອງຜ່ານການກວດກາຢ່າງເຄັ່ງຄັດຂອງຂະແໜງການທີ່ກ່ຽວຂ້ອງ. ເພື່ອຮັບປະກັນຄວາມປອດໄພຂອງອາຫານງານກິລາໂອລິມປິກ, ຈີນກໍ່ຈະເພີ່ມທະວີການຮ່ວມມືກັບສາກົນ, ຕັ້ງໜ້າແລກປ່ຽນບົດຮຽນກັບວິສາຫະກິດສາກົນ.
|
|
|
