|
|
 |
| (GMT+08:00)
2008-03-07 21:19:05
|
 |
|
ການສົນທະນາລະຫວ່າງນັກວິຊາການປ້ອງກັນລະດັບສູງຂອງຈີນແລະອາຊຽນຄັ້ງທຳອິດຈັດຂຶ້ນຢູ່ປັກກິ່ງ
cri
Author: d
ຕາມຂ່າວສານຈີນ: ການສົນທະນາລະຫວ່າງນັກວິຊາການປ້ອງກັນລະດັບສູງຂອງຈີນແລະອາຊຽນຄັ້ງທຳອິດຈະຈັດຂຶ້ນຢູ່ປັກກິ່ງແຕ່ວັນທີ11ຫາວັນທີ15ມີນານີ້,ເຊິ່ງມີຫົວຂໍ້ວ່າ "ກອງທັບທັນສະໄໝກັບ ຄວາມໄວ້ເນື້ອເຊື່ອໃຈກັນໃນພາກພື້ນ".
ວັນທີ7ມີນານີ້ ຫ້ອງການວຽກງານຕ່າງປະເທດກະຊວງປ້ອງກັນປະເທດຈີນລາຍງານວ່າ,ການສົນທະນາເທື່ອນີ້ແມ່ນເພື່ອປະຕິບັດຂໍ້ລິເລີ່ມທີ່ກ່ຽວຂ້ອງຂອງທ່ານເວີນເຈຍປາວ ນາຍົກລັດຖະມົນຕີ ຈີນໃນກອງປະຊຸມຕ່າງໆຂອງຜູ່ນຳອາຊີຕາເວັນອອກໃນເດືອນພະຈິກປີ2007,ຕັ້ງໜ້າຊຸກຍູ້ການແລກປ່ຽນແລະການຮ່ວມມືລະຫວ່າງອົງການປ້ອງກັນລະດັບສູງຂອງຈີນກັບບັນດາປະເທດອາຊຽນ,ຄົ້ນຄວ້າຫາລືວິທີແລະຊ່ອງທາງເພີ່ມທະວີ ຄວາມໄວ້ເນື້ອເຊື່ອໃຈກັນຕໍ່ຄວາມປອດໄພທາງການທະຫານລະຫວ່າງປະເທດຕ່າງໆ.
ນັກວິຊາການເກືອບ30ຄົນທີ່ມາຈາກກອງທັບແລະອົງການປ້ອງກັນທ້ອງຖິ່ນຂອງບັນດາປະເທດອາຊຽນແລະຈີນ ຈະແລກປ່ຽນແລະຫາລືກັນກ່ຽວກັບສາເຫດຫັນເປັນທັນສະໄໝແລະທ່ວງທ່າພັດທະນາຂອງກອງທັບປະເທດຕ່າງໆ ແລະຜົນສະທ້ອນທີ່ມີຕໍ່ຄວາມໄວ້ເນື້ອເຊື່ອໃຈກັນໃນພາກພື້ນນີ້,ຄົ້ນຄວ້າຊອກຫາມາດຕະການທີ່ກຳຈັດຄວາມສົງໃສແລະຄວາມເຂົ້າໃຈຜິດ.
|
|
|
