|
|
 |
| (GMT+08:00)
2008-03-08 19:12:15
|
 |
|
ປີນີ້ ຈີນຈະເພີ່ມທະວີການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຕື່ມອີກ
cri
Author: d
ຕາມຂ່າວສານຊິນຮວາ: ວັນທີ8ມີນານີ້ ໃນເວລາໃຫ້ສຳພາດຕໍ່ເວັບໄຊຂອງລັດຖະບານຈີນ ທ່ານຫຼີຜູມິນ ໂຄສົກຂອງຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ,ປີນີ້ວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຂອງຈີນຈະເພີ່ມທະວີຂຶ້ນ,ແລະຈະໄດ້ຮັບປະສິດທິຜົນອັນພົ້ນເດັ່ນກວ່າເກົ່າ.
ທ່ານຫຼີຜູມິນກ່າວວ່າ,ປີນີ້ ຈັກຜະລິດໄຟຟ້າຂະໜາດນ້ອຍ13ລ້ານກິໂລວັດຈະເຊົາເຮັດວຽກ,ຈະປິດວິສາຫະກິດທີ່ຫຼ້າຫຼັງຄືຂະແໜງການຜະລິດຊີມັງຈະປິດ50ລ້ານໂຕນ,ຂະແໜງການເຫຼັກກ້າຈະປິດ6ລ້ານໂຕນ,ຂະແໜງການຂາງຈະປິດ14ລ້ານໂຕນ; ເລັ່ງລັດສ້າງກົນໄກຊີວະພາບ,ຈັດຕັ້ງປະຕິບັດແລະປັບປຸງມາດຕະການກະຕຸກໃນດ້ານລາຄາ ພາສີອາກອນແລະການທະນາຄານເພື່ອມີຜົນດີຕໍ່ການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ; ຕັ້ງໜ້າພັດທະນາເສດຖະກິດໝູນວຽນ,ຊຸກຍູ້ໃຫ້ຫັນສິ່ງເສດເຫຼືອເປັນຊັບພະຍາກອນອີກ; ເຜີຍແຜ່ການຜະລິດແບບສະອາດຢ່າງຮອບດ້ານ,ເພີ່ມທະວີການປ້ອງກັນແລະແກ້ໄຂການເຊື່ອມພິດ.
|
|
|
