|
|
 |
| (GMT+08:00)
2008-03-09 18:31:50
|
 |
|
ແຂວງຢຸນນານຈີນຈະຮັບເອົານັກສຶກສາຫວຽດນາມຫຼາຍກວ່າເກົ່າ
cri
ຕາມຂ່າວສານຊິນຮວາ,ແຂວງຢູນນານຈີນມີພູຜາແມ່ນ້ຳຕິດຈອດກັບຫວຽດນາມ,ແຂວງນີ້ໄດ້ດຶງດູດນັກສຶກສາຫວຽດນາມນັບມື້ນັບຫຼາຍຂຶ້ນ.ຫວ່າງມໍ່ໆນີ້,ທ່ານໂລສົງມິນ ຫົວໜ້າພະແນກສຶກສາແຂວງຢູນນານກ່າວວ່າ,ຍິນດີຕ້ອນຮັບນັກສຶກສາຫວຽດນາມໄປຮຽນຢູ່ແຂວງຢຸນນານ,ຢຸນນານຈະໃຫ້ທຶນສຶກສາໃຫ້ແກ່ເຂົາເຈົ້າ.
ທ່ານໂລສົງມິນກ່າວວ່າ,ຫຼາຍປີມານີ້,ແຂວງຢຸນນານແລະພາກສ່ວນ ສຶກສາຫວຽດນາມໄດ້ຮັບຜົນສຳເລັດໃນການຮ່ວມມື ບຳລຸງສ້າງນັກສຶກສາແລະຮ່ວມກັນດຳເນີນການສຶກສາເປັນຕົ້ນ.ພາກສ່ວນສຶກສາແຂວງຢູນນານສະໜັບສະໜູນໂຮງຮຽນຊັ້ນສູງແລະໂຮງຮຽນອາຊີບຊັ້ນກາງໄປສຶກສາຢູ່ໂຮງຮຽນຂອງຫວຽດນາມ,ເພີ່ມທະວີການຮ່ວມມືກັບພາກສ່ວນ ສຶກສາຂອງຫວຽດນາມຈັດຊຸດອົບຮົມໄລຍະສັ້ນ.ພ້ອມກັນນັ້ນ,ແຂວງຢູນນານຍັງຈະສືບຕໍ່ຮ່ວມມືກັບຫວຽດນາມໃນດ້ານການປະຕິຮູບການສຶກສາ.
ປັດຈຸບັນ,ນັກສຶກສາຫວຽດນາມທີ່ກຳລັງຮຽນຢູ່ແຂວງຢຸນນານມີ1600ກວ່າຄົນ,ກວມປະມານ1/3ຂອງຍອດຈຳນວນນັກສຶກສາຕ່າງປະເທດທີ່ຮຽນຢູ່ແຂວງຢຸນນານ.
|
|
|
