ຕາມ​ຂ່າວສານ​ຊິນ​ຮວາ:ສະຫະພັນ​ການກຸສົນ​ແຫ່ງ​ຊາດ​ຈີນ​ຈະ​ປະຕິບັດ​ແຜນການ​ຊ່ວຍ​ສ້າງບ້ານ​ທີ່ອົບ​ອຸ່ນ​ໃນ​13 ແຂວງ ​ແລະ ​ເຂດປົກຄອງ​ຕົນ​ເອງທີ່​ປະສົບ​ໄພ​ພາຍຸຫິມະ ​​ເຊັ່ນ,​ແຂວງ​ຮູ​ເປ ​ ​ແຂວງ​ກຸ້ຍ​ໂຈ່​ວ​ ​ແລະ​ແຫ່ງ​ອື່ນໆ ພາກ​ໃຕ້​ຂອງ​ຈີນ.

ນີ້​ແມ່ນ​ນັກ​ຂ່າວ​ໄດ້​ຊາບ​ຈາກ"ກອງ​ປະຊຸມຖະ​ແຫຼ​ງ​ຂ່າວ​ກ່ຽວ​ກັບ​ສະຫະພັນ​ການກຸສົນ​ຈີນເຂດ​ປະສົບ​ໄພ​ພາຍຸ​ຫິມະທີ່​ຈັດ​ຂຶ້ນ​ໃນ​ວັນ​ທີ10​ມີນາ​ນີ້ທີ່​ປັກ​ກິ່ງ. ທ່ານ​ຟ້າ​ນປາວ​ຈຸ້ນ ປະທານສະພັນ​ການ​ກຸສົນຈີນກ່າວວ່າ,​ແຜນການ​ດັ່ງ​ກ່າວ​ຈະ​ຊ່ວຍ​ແຂວງ ​ແລະ ​ເຂດ​​ເຫຼົ່າ​ນີ້​ສ້າງ​ສະຖາ​ນສະຫວັດດີ​ການ ​ເຊັ່ນ,ບ້ານ​ ​ກຸສົນ,ໂຮງຮຽນ​ປະຖົມ​ກຸສົນ ​ແລະ ​ໂຮງ​ລ້ຽງ​ຜູ່​ເຖົ້າ​ເປັນ​ຕົ້ນ100​ແຫ່ງ​ຄືນ​ໃໝ່.

ນັບ​ແຕ່​ກາງ​ເດືອນ​ມັງກອນ​ປີ​ນີ້​ເປັນ​ຕົ້ນ​ມາ,ພາກ​ໃຕ້​ຂອງ​ຈີນ​ໄດ້​ປະສົບ​ໄພ​ພາຍຸ​ຫິມະ​ຢ່າງ​ຮ້າຍ​ແຮງ, ​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ປະຊາຊົນ​ຖືກ​ກະທົບກະ​ເທືອ​ນຢ່າງ​ໜັກໜ່ວງ.