|
ການປະຢັດພະລັງງານແລະຫຼຸດຜ່ອນການລະບາຍຂອງຈີນບັງເກີດຜົນຕື່ມອີກ
cri
Author: MO
ຕາມຂ່າວCRI：ວັນທີ 11 ມີນານີ້, ທ່ານເຊ້ເຈີ້ນຮວາ ຮອງປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ, ປີ 2007, ຈີນໄດ້ເພີ່ມທະວີການເຮັດວຽກປະຢັດພະລັງງານແລະຫຼຸດຜ່ອນການລະບາຍມົນລະພິດ, ແລະໄດ້ບັງເກີດຜົນຢ່າງເດັ່ນຊັດຕື່ມອີກ.
ວັນທີ 11 ມີນານີ້, ກອງປະຊຸມເທື່ອທີໜຶ່ງຂອງສະພາປະຊາຊົນແຫ່ງຊາດຈີນຊຸດທີ 11 ໄດ້ຈັດກອງປະຊຸມຂ່າວ, ທ່ານເຊ້ເຈີ້ນຮວາໄດ້ຕອບຄຳຖາມຂອງນັກຂ່າວໂດຍກ່າວວ່າ, ປີກາຍນີ້, ຈີນໄດ້ຈັດວາງວຽກງານປະຢັດພະລັງງານແລະຫຼຸດຜ່ອນການລະບາຍຢ່າງຮອບດ້ານ, ໄດ້ສ້າງລະບົບສະຖິຕິ ການຕິດຕາມວັດແທກ ຕົວເລກຄາດໝາຍກວດສອບ ແລະລະບຽບການກວດສອບຕີລາຄາຕໍ່ລະບຽບການໜ້າທີ່ເປົ້າໝາຍ, ດ້ານໜຶ່ງໄດ້ສະກັດກັ້ນການພັທະນາຂະແໜງການທີ່ສິ້ນເປືອງພະລັງງານຫຼາຍແລະລະບາຍຫຼາຍ, ອີກດ້ານໜຶ່ງໄດ້ເພີ່ມທະວີການຄັດຖີ້ມການຜະລິດທີ່ຫຼ້າຫຼັງ.
ສະຖິຕິສະແດງໃຫ້ເຫັນວ່າ, ປີ 2007, ການສິ້ນເປືອງພະລັງງານຕໍ່GDPແຕ່ລະຫົວໜ່ວຍຂອງຈີນໄດ້ຫຼຸດລົງ 3,27%, ຍອດປະລິມານການລະບາຍຊຸນເຟີດີອອກຊິດແລະປະລິມານຕ້ອງການອອກຊີດ້ານເຄມີຫຼືCODນັ້ນໄດ້ຫຼຸດລົງທັງສອງຢ່າງເປັນຄັ້ງທຳອິດ.
ທ່ານເຊ້ເຈີ້ນຮວາກ່າວວ່າ, ປັດຈຸບັນ, ການປະຢັດພະລັງງານແລະຫຼຸດຜ່ອນການລະບາຍຍັງມີສະຖານະການອັນຂ້ຽວຂາດ, ປີ 2008, ຈີນຈະໃຊ້ມາດຕະການແຂງແຮງກວ່າເກົ່າມາຊຸກຍູ້ວຽກງານດັ່ງກ່າວ.
|
|
