|
|
 |
| (GMT+08:00)
2008-03-12 18:04:15
|
 |
|
ກອງປະຊຸມສຸດຍອດທຸລະກິດແລະການລົງທຶນຈີນອາຊຽນຄັ້ງທີ 5 ປະກາດຫົວຂໍ້ຫຼັກຢ່າງເປັນທາງການ
cri
Author: MO
ຕາມຂ່າວສານຊີນຮວາ: ວັນທີ 12 ມີນານີ້, ກອງເລຂາຂອງກອງປະຊຸມສຸດຍອດທຸລະກິດແລະການລົງທຶນຈີນອາຊຽນແຈ້ງໃຫ້ຊາບວ່າ, ຫົວຂໍ້ຫຼັກຂອງກອງປະຊຸມສຸດຍອດທຸລະກິດແລະການລົງທຶນຈີນອາຊຽນຄັ້ງທີ 5 ແມ່ນ: "ສາຍຕາອັນກວ້າງໄກ, ການກະທຳອັນຕັ້ງໜ້າ."
ກອງເລຂາຂອງກອງປະຊຸມສຸດຍອດທຸລະກິດແລະການລົງທຶນຈີນອາຊຽນໄດ້ອະທິບາຍຫົວຂໍ້ຫຼັກດັ່ງກ່າວນີ້ ຊີ້ອອກວ່າ, ການສ້າງເຂດການຄ້າເສລີຈີນອາຊຽນແມ່ນການຄັດເລືອກສຳຄັນໃນການເຮັດໃຫ້ປະເທດຕ່າງໆໃນພາກພື້ນນີ້ຮ່ວມມືເສດຖະກິດແບບຕ່າງຝ່າຍຕ່າງມີຜົນປະໂຫຍດຍິ່ງແໜ້ນແຟ້ນກວ່າເກົ່າ. ລັດຖະບານ ສະມາຄົມການຄ້າ ແລະວິສາຫະກິດຂອງປະເທດຕ່າງໆລ້ວນແຕ່ຕ້ອງການສາຍຕາທີ່ກວ້າງກວ່າເກົ່າ ແລະໃຊ້ການກະທຳອັນຕັ້ງໜ້າມາບັນລຸເປົ້າໝາຍ"ໄດ້ຮັບໄຊຊະນະທັງສອງຝ່າຍ".
ກອງປະຊຸມເທື່ອນີ້ຈະຈັດຫົວຂໍ້ຫາລືກ່ຽວກັບການຮ່ວມມືວິສາຫະກິດຂະໜາດກາງແລະຂະໜາດນ້ອຍ, ຊຶ່ງມີຈຸດປະສົງໃຫ້ຊຸກຍູ້ການຮ່ວມມືວິສາຫະກິດຂະໜາດກາງແລະຂະໜາດນ້ອຍລະຫວ່າງຈີນກັບອາຊຽນ. ອີກຫົວຂໍ້ໜຶ່ງແມ່ນ"ການຮ່ວມມືການລົງທຶນ"ຈະຊຸກຍູ້ໃຫ້ວິສາຫະກິດສອງຝ່າຍດຳເນີນການຮ່ວມມືລົງທຶນຫຼາຍກວ່າເກົ່າ, ມີຜົນດີຕໍ່ການເຮັດໃຫ້ສະພາບແວດລ້ອມການລົງທຶນຂອງລັດຖະບານປະເທດຕ່າງໆດີຂຶ້ນ.
|
|
|
