|
|
 |
| (GMT+08:00)
2008-03-13 10:49:53
|
 |
|
ລັດຖະບານຈີນເຜີຍແຜ່"ບົດລາຍງານສິດທິມະນຸດຂອງອາເມລິກາປີ2007"
cri
Author: d
ຕາມຂ່າວCRI: ວັນທີ13ມີນານີ້ ຫ້ອງການລັດຖະບານຈີນໄດ້ເຜີຍແຜ່"ບົດລາຍງານ ສິດທິມະນຸດຂອງອາເມລິກາປີ2007".
"ບົດລາຍງານສິດທິມະນຸດຂອງອາເມລິກາປີ2007"ຂຽນວ່າ,ວັນທີ11ມີນາ,ລັດຖະບານອາເມລິກາໄດ້ເຜີຍແຜ່"ບົດລາຍງານກ່ຽວກັບສິດທິມະນຸດຂອງຕ່າງປະເທດປີ2007",ຕິຕຽນສະພາບສິດທິມະນຸດຂອງ190ກວ່າປະເທດແລະເຂດແຄວ້ນໃນໂລກຊຶ່ງລວມທັງຈີນອີກເທື່ອໜຶ່ງ,ແຕ່ພັດບໍ່ກ່າວເຖິງບັນຫາສິດທິມະນຸດຂອງຕົນເລີຍ.ເພື່ອເຮັດໃຫ້ປະຊາຊົນໂລກຮູ້ສະພາບການດ້ານສິດທິມະນຸດຕົວຈິງຂອງອາເມລິກາ,ທວງໃຫ້ອາເມລິກາສຳຫຼວດການກະທຳຂອງຕົນເອງ,"ພວກຂ້າພະເຈົ້າຈຶ່ງເຜີຍແຜ່"ບົດລາຍງານສິດທິມະນຸດຂອງອາເມລິກາປີ2007"ໂດຍສະເພາະ.
"ບົດລາຍງານສິດທິມະນຸດ"ນີ້ຊີ້ອອກວ່າ,ຢູ່ອາເມລິກາ ການກະທຳຜິດດ້ວຍການໃຊ້ກຳລັງຮຸນແຮງເພີ່ມຫຼາຍຂຶ້ນ,ສະພາບການທີ່ພາກສ່ວນປະຕິບັດກົດໝາຍແລະຍຸດຕິທຳສວຍໃຊ້ສິດຕຳແໜ່ງທົ່ວທີບນັ້ນກໍ່ຮ້າຍແຮງຫຼາຍ,ການທໍລະມານນັກໂທດໃນຄຸກກໍ່ມີເປັນປະຈຳ.ປະຊາກອນຜູ່ທຸກຍາກຂອງອາເມລິກາເພີ່ມຂຶ້ນຢ່າງບໍ່ຢຸດຢັ້ງ,ການຈຳແນກເຊື້ອຊາດຜິວພັນຢູ່ອາເມລິກາແມ່ນຝັງຮາກເລິກ,ແມ່ຍິງອາເມລິກາກໍ່ຖືກດູໝິ່ນໃນດ້ານປະກອບອາຊີບ.
"ບົດລາຍງານສິດທິມະນຸດ"ນີ້ຍັງຊີ້ອອກວ່າ,ອາເມລິກາມີການກະທຳທີ່ບໍ່ມີຫຼາຍເລື່ອງໃນການລ່ວງລ້ຳອະທິປະໄຕແລະຢຽບຍ່ຳສິດທິມະນຸດຂອງປະເທດອື່ນ.ທະຫານອາເມລິກາເຂົ້າຮຸກຮານອີຣັກໄດ້ກໍ່ໂສກນາດຕະກຳສິດທິມະນຸດແລະໄພມະນຸດສະທຳທີ່ຮ້າຍແຮງກວ່າໝູ່ໃນໂລກປະຈຸບັນ.
ຕອນທ້າຍຂອງ"ບົດລາຍງານສິດທິມະນຸດ"ນີ້ຍັງເຕືອນໃຫ້ລັດຖະບານອາເມລິກາ ຕ້ອງກ້າປັບປຸງບັນຫາສິດທິມະນຸດຂອງຕົນ,ຢຸດຕິການກະທຳທີ່ບໍ່ສະຫຼາດຂອງຕົນໃນການປະຕິບັດນະໂຍບາຍສອງໜ້າໃນບັນຫາສິດທິມະນຸດ ແລະນຳໃຊ້ບັນຫາສິດທິມະນຸດເພື່ອກ່າວໃສ່ຮ້າຍປະເທດອື່ນ.
|
|
|
