|
ຈີນເລັ່ງລັດສ້າງສາລະບົບວັດທະນະທຳມະຫາຊົນ
cri
ຕາມຂ່າວCRI, ວັນທີ13ມີນານີ້ຢູ່ນະຄອນຫຼວງປັກກິ່ງ, ທ່ານໂຈ່ວເຮີພິງ ລັດຖະມົນຕີຊ່ວຍວ່າການກະຊວງວັດທະນະທຳຈີນກ່າວວ່າ, ໃນຫຼາຍປີມານີ້, ຈີນໄດ້ເລັ່ງລັດສ້າງສາລະບົບວັດທະນະທຳມະຫາຊົນຢ່າງຕໍ່ເນື່ອງ, ແລະໄດ້ຮັບປະສິດທິຜົນອັນພົ້ນເດັ່ນ.
ໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດ, ທ່ານໂຈ່ວເຮີພີງກ່າວວ່າ, ໃນຫຼາຍປີມານີ້, ຈີນໄດ້ສ້າງສິ່ງກໍ່ສ້າງດ້ານວັດທະນະທຳຈຳນວນຫຼວງຫຼາຍ, ເຊັ່ນ ຫໍສະໝຸດ ຫໍວັດທະນະທຳແລະຫໍພິພິທະພັນເປັນຕົ້ນ; ງົບປະມານທີ່ໃຊ້ເຂົ້າໃນວຽກງານວັດທະນະທຳຫຼາຍຂຶ້ນຄູ່ປີ, ນັບແຕ່ປີ2001ຮອດປີ2006, ແຕ່ລະປີຍອດມູນຄ່າງົບປະມານທີ່ໃຊ້ໃນວຽກງານວັດທະນະທຳທົ່ວປະເທດລ້ວນແຕ່ເພີ່ມຂຶ້ນຫຼາຍກວ່າ10%.
ທ່ານໂຈ່ວເຮີພິງກ່າວວ່າ, ນອກນີ້, ຈີນຍັງໄດ້ປະຕິບັດໂຄງການຮ່ວມກັນຊົມໃຊ້ຊັບພະຍາກອນຂໍ້ມູນຂ່າວສານວັດທະນະທຳ, ເອົາຊັບພະຍາກອນວັດທະນະທຳທີ່ດີເລີດມາປັບປຸງແລ້ວສະໜອງການບໍລິການໂດຍຜ່ານອິນເຕີເນັດ ດາວທຽມແລະໂທລະພາບດີຈີຕອນ.
|
|
