ຕາມຂ່າວCRI:ວັນທີ13ມີນານີ້, ຢູ່ທີ່ປັກກິ່ງ, ທ່ານຫຼີຊາງຈ່ຽງ ຫົວໜ້າກົມໃຫຍ່ກວດກາຄຸນນະພາບກວດກາພະຍາດແຫ່ງຊາດຈີນກ່າວວ່າ, ຈີນຈະໃຊ້ມາດຕະການຮັບປະກັນຄວາມປອດໄພຂອງອາຫານງານກິລາໂອລິມປິກ.
ໃນເວລາໃຫ້ສຳພາດເປັນໝູ່ຄະນະຕໍ່ນັກຂ່າວຈີນ ແລະ ຕ່າງປະເທດ, ທ່ານຫຼີຊາງຈ່ຽງກ່າວວ່າ,ຈີນຈະຈັດຕັ້ງການຜະລິດອາຫານທີ່ຈະສະໜອງໃຫ້ງານກິລາໂອລິມປິກນັ້ນຕາມມາດຖານສູງສຸດຂອງສາກົນ, ແລະ ຈະໃຊ້ມາດຖານອະນຸມັດເຂົ້າຕະຫຼາດອັນເຄັ່ງຄັດຕໍ່ວິສາຫະກິດທີ່ສະໜອງອາຫານ. ພາກສ່ວນທີ່ກ່ຽວຂ້ອງຍັງຈະແຕ່ງຜູ່ຊ່ຽວຊານໄປຕິດຕາມກວດກາວິສາຫະກິດທີ່ ສະໜອງອາຫານໃຫ້ງານກິລາໂອລິມປິກ. ນອກນີ້,ຈີນຍັງຈະປະຕິບັດການຕິດຕາມຄວບຄຸມແບບGPSຕໍ່ການຂົນສົ່ງ ແລະ ການສະສົມຂອງອາຫານງານກິລາໂອລິມປິກປັກກິ່ງ,ເພື່ອຮັບປະກັນຄວາມປອດໄພຂອງອາຫານໃນຂອດຕ່າງໆ.
ທ່ານຫຼີຊາງຈ່ຽງກ່າວວ່າ,ຈີນຍັງຈະເພິ່ມທະວີການຮ່ວມມືສາກົນໃນດ້ານການສະໜອງອາຫານງານກິລາໂອລິມປິກ,ແລກປ່ຽນຄວາມຄິດຄວາມເຫັນກັບປະເທດທີ່ເຄີຍຈັດງານກິລາໂອລິມປິກ,ຖອດຖອນບົດຮຽນທີ່ດີຂອງປະເທດເຫຼົ່ານີ້.
|