|
ຄຸນນະພາບຂອງຜະລິດຕະພັນແລະຄວາມປອດໄພຂອງອາຫານຈີນດີຂຶ້ນຢ່າງຫຼວງຫຼາຍ
cri
Author: mo
ຕາມຂ່າວCRI: ວັນທີ 13 ມີນານີ້, ຢູ່ທີ່ປັກກິ່ງ, ທ່ານລີສາງຈ່ຽງ ຫົວໜ້າກົມໃຫຍ່ຕິດຕາມກວດກາຄຸນນະພາບແລະກວດກາພະຍາດແຫ່ງຊາດຈີນກ່າວວ່າ, ເມື່ອໄດ້ປັບປຸງເລື້ອຍໆແລ້ວ, ຄຸນນະພາບຂອງຜະລິດຕະພັນແລະຄວາມປອດໄພຂອງອາຫານຈີນໄດ້ດີຂຶ້ນຢ່າງຫຼວງຫຼາຍ.
ໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດ, ທ່ານລີສາງຈ່ຽງກ່າວວ່າ, ລັດຖະບານທຸກຂັ້ນຂອງຈີນໄດ້ໃຫ້ຄວາມສຳຄັນຫຼາຍຕໍ່ຄຸນນະພາບຂອງຜະລິດຕະພັນແລະຄວາມປອດໄພຂອງອາຫານ, ໄດ້ຖືການ"ເອົາຊະນະດ້ວຍຄຸນນະພາບ" ເປັນໜ້າທີ່ສຳຄັນອັນໜຶ່ງໃນການພັດທະນາເສດຖະກິດໃຫ້ທັງດີທັງໄວ, ປີກາຍນີ້, ຈີນໄດ້ດຳເນີນການປັບປຸງສະເພາະກ່ຽວກັບຄຸນນະພາບຂອງຜະລິດຕະພັນແລະຄວາມປອດໄພຂອງອາຫານເປັນເວລາ 4 ເດືອນ. ເມື່ອຜ່ານການປັບປຸງ, ອາຫານຕ່າງໆເຊັ່ນເຂົ້າ ໝີ່ ແລະນ້ຳມັນເປັນຕົ້ນທີ່ປະຊາຊົນຕ້ອງການໃຊ້ໃນຊີວິດປະຈຳວັນນັ້ນ ໄດ້ມາດຕະຖານ 98,3%, ເຄື່ອງບໍລິໂພກ 11 ຢ່າງ ທີ່ກ່ຽວພັນເຖິງສຸຂະພາບຂອງມວນຊົນໄດ້ມາດຕະຖານເຖິງ 96,5%.
ໂດຍແນໃສ່ເຫດການຜູ້ບໍລິໂພກຍີ່ປຸ່ນກິນກ້ຽວທີ່ຈີນຜະລິດແລ້ວຖືກເບື່ອນັ້ນ, ທ່ານກ່າວວ່າ, ຈີນຍີ່ປຸ່ນຕ້ອງການສ້າງກົນໄກຮ່ວມມືຍາວນານກ່ຽວກັບຄວາມປອດໄພຂອງອາຫານ, ນີ້ຈະມີບົດບາດຕັ້ງໜ້າທີ່ສຸດໃນການແກ້ໄຂບັນຫາທີ່ເກີດຂຶ້ນໃນການຄ້າອາຫານ.
|
|
