|
|
 |
| (GMT+08:00)
2008-03-14 10:39:19
|
 |
|
ປະທານປະເທດຈີນໂທລະສັບລົມກັບປະທານາທິບໍດີຣັດເຊຍ
cri
Author: MO
ຕາມຂ່າວCRI：ວັນທີ 13 ມີນານີ້, ຢູ່ທີ່ປັກກິ່ງ, ທ່ານຫູຈິນທ່າວ ປະທານປະເທດຈີນໄດ້ໂທລະສັບລົມກັບທ່ານວຼາດີເມຍ ປູຕີນ ປະທານາທິບໍດີຣັດເຊຍ.
ທ່ານຫູຈິນທ່າວກ່າວວ່າ, ນັບແຕ່ທ່ານປະທານາທິບໍດີປູຕີນຂຶ້ນກຳອຳນາດມານີ້, ການພົວພັນຈີນຣັດເຊຍໄດ້ຂະຫຍາຍຕົວຢ່າງປອດໄສແລະລົງເລິກ. ສອງຝ່າຍໄດ້ເຊັນສັນຍາຮ່ວມມືທີ່ມີໄມຕີຈິດຖານເພື່ອນບ້ານໃກ້ຄຽງທີ່ດີຕໍ່ກັນຈີນຣັດເຊຍ, ໄດ້ແກ້ໄຂບັນຫາຊາຍແດນທີ່ຕົກທອດມາແຕ່ປະຫວັດສາດນັ້ນຢ່າງເຖິງຖອງ, ໄດ້ຈັດກິດຈະກຳ"ປີມິດຕະພາບ"ຢ່າງສຳເລັດຜົນ, ໄດ້ພ້ອມກັນເຜີຍແຜ່ຖະແຫຼງການຮ່ວມກ່ຽວກັບລະບຽບສາກົນສະຕະວັດທີ 21, ເຊື່ອວ່າ, ພາຍໃຕ້ສອງຝ່າຍພ້ອມກັນທຳຄວາມພະຍາຍາມ, ການພົວພັນຄູ່ຮ່ວມມືຍຸດທະສາດຈີນຣັດເຊຍຍ່ອມຈະກ້າວຂຶ້ນຂັ້ນໃດໃໝ່ຢ່າງບໍ່ຢຸດຢັ້ງ.
ທ່ານປູຕີນກ່າວວ່າ, ລັດເຊຍໃຫ້ຄວາມສຳຄັນຫຼາຍຕໍ່ການພົວພັນຣັດເຊຍຈີນ. ພາຍໃຕ້ຂອບ"ປີມິດຕະພາບ", ສອງຝ່າຍໄດ້ຈັດກິດຈະກຳ 600 ກວ່າເທື່ອ, ມູນຄ່າການຄ້າສອງຝ່າຍໄດ້ເພີ່ມຂຶ້ນຢ່າງບໍ່ຢຸດຢັ້ງ, ແລະມີການຮ່ວມມືເປັນຢ່າງດີໃນວຽກງານສາກົນ. ຣັດເຊຍຫວັງໃຫ້ຜູ້ນຳສອງປະເທດສືບຕໍ່ຮັກສາການໄປມາຫາສູ່ກັນຢ່າງສະໜິດແໜ້ນ, ພ້ອມກັນຊຸກຍູ້ການພົວພັນຄູ່ຮ່ວມມືຍຸດທະສາດຣັດເຊຍຈີນໃຫ້ຂະຫຍາຍໄປໜ້າເລື້ອຍໆ.
|
|
|
