|
ອັດຕາໄດ້ມາດຕະຖານຂອງອາຫານຈີນທີ່ສົ່ງອອກສູງເຖິງ99%
cri
ຕາມຂ່າວສານຈີນ:ວັນທີ 14 ມີນານີ້,ເຈົ້າຫນ້າທີ່ຈີນກ່າວຢ້ຳວ່າ,ຈີນໄດ້ສ້າງຕັ້ງລະບົບກວດກາຄຸນນະພາບແລະສືບສວນຫາຄວາມຮັບ ຜິດຊອບຂອງຄຸນນະພາບ ຜະລິດຕະພັນແລະຄວາມປອດໄພດ້ານອາຫານແລ້ວ,ອັດຕາໄດ້ມາດຕະຖານຂອງອາຫານຈີນທີ່ສົ່ງອອກສູງເຖິງ 99% ຂຶ້ນໄປຕະຫຼອດມາ,ເວົ້າລວມແລ້ວ, ອາ ຫານຈີນມີຄວາມປອດໄພ.
ວັນທີ 14 ມີນານີ້,ໃນເວທີປາໄສຄວາມປອດໄພຂອງອາຫານທີ່ຈັດຂຶ້ນຢູ່ນະຄອນຫຼວງປັກກິ່ງ,ທ່ານພູຊາງເສີງ ຮອງຫົວຫນ້າກົມໃຫຍ່ຕິດ ຕາມກວດກາຄຸນນະພາບແລະກວດກາພະຍາດແຫ່ງຊາດຈີນໄດ້ກ່າວວ່າ,ໃນຫຼາຍປີມານີ້,ຈີນໄດ້ວາງມາດຕະຖານດ້ານອາຫານຂອງລັດ 1800 ກວ່າລາຍແລະມາດຕະຖານຂະແຫນງການ 2900 ກວ່າລາຍ,ສ້າງຕັ້ງລະບົບມາດຕະຖານຄວາມປອດໄພດ້ານຄຸນນະພາບຂອງອາຫານທີ່ມີປະເພດຂ້ອນຂ້າງຄົບຖ້ວນ ໂຄງສ້າງສົມເຫດສົມຜົນ ຄົບຖ້ວນໃນເບື້ອງຕົ້ນ,ພ້ອມກັນນັ້ນ,ຍັງໄດ້ຕັ້ງລະບົບຄວາມສັດທາຂອງຄວາມປອດໄພດ້ານອາຫານ,ເພີ່ມການຕິດຕາມກວດກາຂອງລັດໃຫ້ຫຼາຍຂຶ້ນ,ຄວາມສາມາດແລະລະດັບໃນການ ຕິດຕາມກວດກາດ້ານຄວາມປອດໄພຂອບຕ່າງໆເຊັ່ນ ການຜະລິດ ປຸງແຕ່ງແລະຂາຍຍ່ອຍຂອງອາຫານເປັນຕົ້ນໄດ້ຍົກສູງຂຶ້ນຢ່າງບໍ່ຢຸດຢັ້ງ.
|
|
