|
ຕາມຂ່າວສານຊິນຮວາ,ວັນທີ14ມີນານີ້,ເຈົ້າໜ້າທີ່ເຂດປົກຄອງຕົນເອງຕິເບດຈີນກ່າວວ່າ,ມີຫຼັກຖານອັນພຽງພໍທີ່ຢັ້ງຢືນວ່າຄົນສ່ວນໜ້ອຍທີ່ສຸດດຳເນີນການເຄື່ອນໄຫວທຳລາຍຢູ່ນະຄອນລາຊາໃນຫວ່າງມໍ່ໆນີ້ແມ່ນກຸ່ມດາໄລວາງແຜນຢ່າງມີການຈັດຕັ້ງມີກົນອຸບາຍແລະພຽນໃຈ,ເຊິ່ງໄດ້ພາໃຫ້ປະຊາຊົນບັນດາເຜົ່າຂອງເຂດຕິເບດໂມໂຫທີ່ສຸດແລະກ່າວປະນາມຢ່າງຮຸນແຮງ.
ໃນເວລາຕອບຄຳຖາມຂອງນັກຂ່າວ,ເຈົ້າໜ້າທີ່ຜູ່ນີ້ກ່າວວ່າ,ຫວ່າງມໍ່ໆນີ້,ຢູ່ລາຊາ,ຄົນສ່ວນໜ້ອຍທີ່ສຸດດຳເນີນການເຄື່ອນໄຫວທຳລາຍຕ່າງໆເຊັ່ນທຸບຕີ,ທັບມ້າງ,ປຸ້ນຈີ້ແລະຈູດໄຟເຜົາ,ທຳລາຍຄວາມເປັນລະບຽບຂອງສັງຄົມ,ສ້າງຄວາມອັນຕະລາຍຕໍ່ຄວາມປອດໄພດ້ານຊັບສິນແລະຊີວິດຂອງປະຊາຊົນ.ພາກສ່ວນທີ່ກ່ຽວຂ້ອງຂອງຕິເບດພວມໃຊ້ມາດຕະການອັນບັງເກີດຜົນເພື່ອແກ້ໄຂຕາມກົດໝາຍ.
ພ້ອມກັນນັ້ນ,ທ່ານຍັງກ່າວວ່າ,ຈີນມີຄວາມສາມາດຢ່າງເຕັມທີ່ໃນການປົກປັກຮັກສາຄວາມສະຫງົບຂອງສັງຄົມຕິເບດ,ປົກປ້ອງຄວາມປອດໄພດ້ານຊັບສິນແລະຊີວິດຂອງປະຊາຊົນບັນດາເຜົ່າຂອງຕິເບດ.ກົນອຸບາຍຂອງຄົນສ່ວນໜ້ອຍທີ່ສຸດທີ່ຢາກທຳລາຍຄວາມສະຫງົບກົມກຽວກັນຂອງເຂດຕິເບດແມ່ນບໍ່ຖືກໃຈຄົນ,ຍ່ອມຈະປະລາໄຊຢ່າງແນ່ນອນ.
|
